鮨芸館 (已結業)

嚟到D2 Place行街，自己一個行到攰，呢度食肆又多，去邊間好呢？上openrice揾嘢食，見呢間多笑笑臉就嚟試吓。呢度裝修幾靚，牆上有好多食客嘅畫作，仲有免費wifi，好，啱晒我消磨時間。自問對日式嘢都特別高要求，所以點咗個五色刺身定食呢個set lunch試吓。前菜有沙律，一般啦！主菜刺身到，我習慣唔落豉油，咁至可以試真啲味道。而試味嘅結果係: 十分普通，未至於有雪味，但只有淡淡的鮮味，收158元有少少偏貴。附上麵豉湯和伴菜(3條牛蒡，2片黃瓜)，送飯良伴。甜品係甜到震嘅漏氣泡芙一小個，好難食呀。