影片
更多
2022-10-17
283 瀏覽
今次係衝住個甜品去的，所以預左好少肚比個正餐，但一入去就話每人最低消費一杯野飲，雖然知係為左保證收入，但都有啲唔鍾意，因為限死左無論叫幾多野食都一定要嗌野飲😕兩杯野飲叫左熱仲夏熱帶水果茶($52)同經典Dazzling可可($45)。水果茶有都係老樣子啦，有啲切粒水果加茶咁，果茶主要都係飲到橙嘅味道，但個茶都真係有啲太甜。可可我淨係試左頭尾兩啖，第一啖飲落去都好濃郁，比較厚身，唔算太甜，可惜因為一定要有冰，所以去到最後就已經溝稀晒，味道淡左好多。主菜要左拿破崙大蝦義大利麵($118)，第一印象係好多紅黃青椒，如果唔鍾意嘅(例如我)會建議試其他，因為都真係佔左一定份量。鍾意佢意粉啲汁上得好勻，唔會有一啖濃一啖淡嘅情況出現，其實都算惹味。蝦預左佢唔係新鮮蝦，不過唔係爽口嗰種，有啲扣分。嚟到主題甜品巧克力蕉響曲蜜糖吐司($98)，上到嚟係驚艷嘅，不過其實打完咭都係要將佢解體🤣 搬開左上面嘅雪糕同cream，會見吐司裏面係已經切好左，焗好左同搽左蜜糖，加埋cream同haagandaz 雪糕好好食🤤 出面麵包皮雖然無搽到蜜糖焗，但係因為都已經焗到脆脆地，所以加上配料都已經好好食，或者都因為我本
兩杯野飲叫左熱仲夏熱帶水果茶($52)同經典Dazzling可可($45)。水果茶有都係老樣子啦，有啲切粒水果加茶咁，果茶主要都係飲到橙嘅味道，但個茶都真係有啲太甜。
可可我淨係試左頭尾兩啖，第一啖飲落去都好濃郁，比較厚身，唔算太甜，可惜因為一定要有冰，所以去到最後就已經溝稀晒，味道淡左好多。
主菜要左拿破崙大蝦義大利麵($118)，第一印象係好多紅黃青椒，如果唔鍾意嘅(例如我)會建議試其他，因為都真係佔左一定份量。鍾意佢意粉啲汁上得好勻，唔會有一啖濃一啖淡嘅情況出現，其實都算惹味。蝦預左佢唔係新鮮蝦，不過唔係爽口嗰種，有啲扣分。
嚟到主題甜品巧克力蕉響曲蜜糖吐司($98)，上到嚟係驚艷嘅，不過其實打完咭都係要將佢解體🤣 搬開左上面嘅雪糕同cream，會見吐司裏面係已經切好左，焗好左同搽左蜜糖，加埋cream同haagandaz 雪糕好好食🤤 出面麵包皮雖然無搽到蜜糖焗，但係因為都已經焗到脆脆地，所以加上配料都已經好好食，或者都因為我本身好鍾意食澱粉質素🤣
最後埋單三百幾，男朋友如常地話唔抵食，的確食物質素唔算好高，但本身cafe定位係打卡cafe，所以其實食物質素未必係食客最在意的，不過老實講，出街食飯好多時都係食環境氣氛，坐喺粉紅色裏面食飯都高興嘅😆
=Dazzling Cafe // 尖沙咀彌敦道100號The ONE 3樓22號舖 // 2312 6099=
張貼
