德朗 (已結業)

我成日會去唔同地方工作，黎到灣仔區，我一定會黎德朗買野食！首先，德朗十分有誠意，重視食物質素，所有麵包即叫即焗！我今日點左意式甜餐包，熱辣辣，外脆內軟，陣陣麵包香撲鼻，果仁同提子乾既配搭可謂天衣無縫！蒜香鯖魚意粉都好快上到菜，食材新鮮，健康配搭，十分惹味從而可知兩個老板娘係追求健康，又懂得運用食材！最後，我既餐飲係一杯熱朱古力，唔問唔止可，一問0曬咀，原來d朱古力粉係意大利🇮🇹直送，配即打鮮奶，唔怪得會香濃成咁！！店舖光猛整淨，環境舒服，真係想日日黎食呀！