四寶食堂

營業中

休息中

今晚來銅鑼灣行街，又來到我最鍾意嘅茶餐廳<四寶食堂>，最鍾意佢呢度嘅西式晚餐dinner set，好食又唔貴，如果唔食set dinner嘅扒餐，又可以食佢哋嘅常餐，真係有好多選擇。<板燒美國頂級封門牛柳配炸薯條及炒什菌>封門牛柳份量超級多，有成六件，每一塊都有一定嘅厚度，咬落去肉質鮮嫩，牛味夠，茶餐廳來講，能做到五成熟，真係非常之有質素。<紅酒野菜燴羊膝配牛油粟米蘭花苔>羊膝做得好惹味，煮得夠淋，能夠做到骨肉分離，非常好食。<招牌熱狗>呢度嘅熱狗係即叫即做，15蚊一個，非常抵食，因為入面有兩條腸㗎!!~<雞翼薯條>呢度嘅雞翼薯條，每一隻雞翼都炸得脹卜卜，而且佢哋嘅皮亦都非常之薄，咬落去仲帶有肉汁，非常好食，而佢哋嘅薯條都係即叫炸，炸得非常金黃香脆。飲品叫左<檸檬桂花蜜糖冰茶>，入口清甜帶有微微的桂花蜜糖香味，<朱古力雪山>，帶有香甜嘅朱古力味道，同埋上面仲有一大舊cream，好啱朱古力控！！～其實<四寶食堂>仲有好多其他快餐常餐嘅選擇，下次可以再來試下。