影片
更多
2023-03-18
1125 瀏覽
ALTO Bar & Grill (銅鑼灣)銅鑼灣登龍街18號V Point 31樓-----Weekday想食個正嘅晚餐，地點、環境、服務同食物質素都係我嘅考慮因素。Weekday收工過嚟已經好攰，近地鐵絕對係非常重要。返工已經受老細氣，所以服務質素亦都必不可少。如果環境同食物質素都好，咁就當然係更開心😁。呢間餐廳算係有晒我想要嘅呢啲因素。地點近時代廣場地鐵站、服務好、食物精緻，而且餐廳有兩層，一層室內一層天台，飽覽維港夜景，令人返工嘅疲累一掃而消。✨JAPANESE CHICKEN THIGH $178呢道前菜主要嘅材料包括有雞腿肉、Caesar salad、沙丁魚、parmesan同脆麵包等等。看似常見嘅材料，卻被烹調得與別不同，味道豐富多層次，配搭亦都好創新，值得一試。✨ROAST COD $288由烤鱈魚、小薯仔同蝦仁搭配而成嘅呢道法式烤魚，味道調配頗為清新。烤鱈魚肉質嫩滑，口感鮮美，魚皮微脆，薯仔口感柔軟，帶淡淡奶香，加上蝦仁鹹鮮點綴，高質。✨PORK CHOP $278✨SLOW-COOKED BRITISH LAMB SHANK $288叫咗兩款肉，兩款各有千秋。豬扒肉
銅鑼灣登龍街18號V Point 31樓
-----
Weekday想食個正嘅晚餐，地點、環境、服務同食物質素都係我嘅考慮因素。Weekday收工過嚟已經好攰，近地鐵絕對係非常重要。返工已經受老細氣，所以服務質素亦都必不可少。如果環境同食物質素都好，咁就當然係更開心😁。
呢間餐廳算係有晒我想要嘅呢啲因素。地點近時代廣場地鐵站、服務好、食物精緻，而且餐廳有兩層，一層室內一層天台，飽覽維港夜景，令人返工嘅疲累一掃而消。
✨JAPANESE CHICKEN THIGH $178
呢道前菜主要嘅材料包括有雞腿肉、Caesar salad、沙丁魚、parmesan同脆麵包等等。看似常見嘅材料，卻被烹調得與別不同，味道豐富多層次，配搭亦都好創新，值得一試。
✨ROAST COD $288
由烤鱈魚、小薯仔同蝦仁搭配而成嘅呢道法式烤魚，味道調配頗為清新。烤鱈魚肉質嫩滑，口感鮮美，魚皮微脆，薯仔口感柔軟，帶淡淡奶香，加上蝦仁鹹鮮點綴，高質。
✨PORK CHOP $278
✨SLOW-COOKED BRITISH LAMB SHANK $288
叫咗兩款肉，兩款各有千秋。豬扒肉質扎實厚彈，咬落好濕潤，雖然唔肥但豬味亦出。而慢煮羊腿肉就好入味，配搭濃厚薯泥、蠶豆、豌豆、甜豌豆等等嘅點綴，令到整道菜式嘅顏色同味道都好豐富
✨ACQUERELLO AGED RISOTTO $188
呢碟RISOTTO加入咗Jerusalem artichoke，令到飯粒有淡淡嘅蔬菜甜味，加埋巴拿馬火腿嘅鹹味，整體味道平衡得幾好，飽肚富奶油香。
✨BAKED CAULIFLOWER $68
✨MASHED POTATO $68
佢哋嘅餐牌有好多Side dishes可以叫，BAKED CAULIFLOWER加入咗大量芝士烤製，芝士味極為濃郁，同CAULIFLOWER嘅清甜完美平衡。而薯蓉就加入咗chives同spring onion，口感柔軟細膩，香蔥味道清新，令到薯蓉冇咁飽膩，不錯。
張貼
