八幡屋日本料理 (已結業)

朋友話帶我去食放題，話食過番尋味，加$50仲可以享受到升級體驗，二話不說即刻book枱啦。一黎到就可以DIY章魚小丸子，好驚喜呀，放好哂配料俾我地，入面有大大粒章魚同粟米粒，夠熱就可以落蛋漿喇，用竹籤撩呀撩，好快就完成喇！仲可以自己落燒汁，紫菜粉，沙律醬同木魚，真係完全自己整出黎，好有成功感架！升級體驗有珍寶帶子同赤蝦刺身！係我既最愛呀，連埋其他刺身一齊叫，黎左好大盤既刺身船，砌到咁靚仔，岩哂post相呃like呀哈哈！唔單止靚仔，味道都唔差架，第二次叫左大量赤蝦同帶子，好鮮甜，唔會食到一隻係有雪味，完全唔似放題質素，刺身既表面係立立令，好新鮮。超級滿足，加多$50真係超值呀。師傅好有心機，絕對唔會話放題就求求其其，食客睇落都食得開心！另外仲試埋個日式蒸蛋，夠滑但就略嫌唔夠蛋味，不過入面配料好多，都可以滿足到想食滑滑蒸蛋既慾望。另外，炸物都十分滿意，尤其係日式蕃薯，平時只係會就咁一串兩粒，但呢度有熱辣辣炸好既，諗起都掛住呀！比較特別既係蝦球芝心丸，細細粒，岩哂女仔食架。芝麻雞翼同雞軟骨仲encore左添呀，每次炸物都係熱辣辣拎到我地枱面，十分抵讚架。當然唔小得叫我心愛既芥茉八爪魚軍艦，