影片
更多
2015-12-15
1917 瀏覽
今年公司提早食聖誕大餐，經過一輪挑選就揀咗 JW Marriott Hotel Hong Kong 嘅 Flint Grill & Bar 。雖然係呢度食嘢唔算平，不過都係物有所值。由揀咗餐廳到去果日，最期待就係佢哋嘅 42Days dry aged rib eye， 因為唔係度度都有得食，而且價錢都唔算好貴，14oz $490, 20oz $590。出面好多普通牛扒都300起跳啦。今次係我第一次食dry-aged牛扒，味道比一般濃郁，texture 都比一般鬆化啲。點樣形容貼切啲.....我會話好似紅酒咁...個味complex 啲....再簡單啲形容....我會話好似食緊chocolate mud cake 咁，好濃好香，不過如果比你一個人食晒嘅話，你就會覺得漏咗啲。 嗰晚我哋就叫咗20oz再一齊share食。嗰晚我哋仲食咗 Clam Chowder, Caesar Salad, Boston Lobster, Prime Tenderloin 同 個日Flint 嘅Daily special 燒魔鬼魚。真係樣樣都咁好食，Clam Chowder 非常之多料，湯又滑，蜆又甜，入面仲
雖然係呢度食嘢唔算平，不過都係物有所值。
由揀咗餐廳到去果日，最期待就係佢哋嘅 42Days dry aged rib eye， 因為唔係度度都有得食，而且價錢都唔算好貴，14oz $490, 20oz $590。出面好多普通牛扒都300起跳啦。今次係我第一次食dry-aged牛扒，味道比一般濃郁，texture 都比一般鬆化啲。點樣形容貼切啲.....我會話好似紅酒咁...個味complex 啲....再簡單啲形容....我會話好似食緊chocolate mud cake 咁，好濃好香，不過如果比你一個人食晒嘅話，你就會覺得漏咗啲。 嗰晚我哋就叫咗20oz再一齊share食。
嗰晚我哋仲食咗 Clam Chowder, Caesar Salad, Boston Lobster, Prime Tenderloin 同 個日Flint 嘅Daily special 燒魔鬼魚。
真係樣樣都咁好食，Clam Chowder 非常之多料，湯又滑，蜆又甜，入面仲有蔬菜粒，味道豐富，最重要係一啲都唔漏，而且份量都好大，叫咗一碗都可以4個人分。
Caesar Salad，佢特別嘅地方就係佢上面嗰兩條魚仔，呢兩條 anchovies 同一般嘅唔同，佢唔係鹹嘅，反而係酸酸地，正好同個sauce balance 番。
Boston Lobster，唔好意思喇，皮膚問題唔食得，所以唔知咩味，不過佢哋話好好食。
Prime Tenderloin，唔洗講，一樣咁正，最特別係佢哋嘅signature sauce，唔知入面有乜，不過就好好味，完全係畫龍點睛！
薯條，有牛扒點可以冇薯條，呢度serve既係幼薯條，好似麥記嘅size，不過好味過麥記10倍，冇錯係 10 倍！！！！夠乾身又夠脆，仲有特別嘅seasoning，同牛扒好夾。
至於燒魔鬼魚，好滑，不過就油咗少少，但係本身魔鬼魚都比較多脂肪嘅，唔太特別。
成餐都咁好味，又點會少咗甜品吖。 甜品有 Profiteroles， S'more Tart, Apple Crumble. 所有嘅甜品都唔太甜，而且有唔同嘅texture，口感非常豐富。Profiteroles, 上台時會淋上朱古力醬，下面係棉花糖泡泡，會食到佢好Airy 嘅質感，但係又有啲煙靭，唔係一陣風咁。
S'more tart，有三層，好濃嘅朱古力味，好豐富嘅口感，由軟淋淋嘅棉花糖，gooey嘅chocolate ganache, 到鬆脆嘅朱古力餅，再配好香好濃郁嘅咖啡雪糕。諗起都再想食多次，個咖啡雪糕真係好似飲緊杯咖啡咁架。
最後個apple crumble喇，撻皮好脆，切開嘅時候入面有好多汁，暖暖嘅撻配雲呢拿雪糕係經典而且最完美嘅配搭，上面個塊蘋果好特別架，好似紙咁薄，但係又好脆，好似一塊餅咁。
差啲唔記得仲有餐前個餐包，真係好好食，又軟熟，外面又脆，最重要係可以refill架，所以唔好唔食個包呀，你會走寶。
呢一餐真係好好味，好滿足，比起我哋平時例牌去食buffet，好好多，睇嚟以後我哋公司食飯應該都唔會食buffet嚕。
張貼
