影片
更多
2023-01-08
1205 瀏覽
河畔花園，人生中從未有朋友喺嗰度住過，踩單車可能經過過，但係好似冇乜嘢會特地去，朋友話約喺嗰度食飯都覺得好特別，到底呢個住宅區有啲乜嘢特別嘢呢？有智能送餐又有得食靚肉嘅新派日式燒肉店，呢啲餐廳是喺尖沙咀或者中環出現會比較多，但係喺沙田都真係幾特別，唔怪得朋友會約，平日夜晚去到已經高朋滿座，就知道應該唔錯，原因是多款CP值極高的燒牛套餐，沙田沿線嘅朋友，值得要前往，有小朋友嘅更加之要去，有個爸爸見我post完IG我後問我地址，之後佢去咗兩次。EaT燒肉以燒肉套餐為主，最正嘅係頂級牛套餐，有好多日本牛五花、宮崎A5和牛同韓牛等任你選擇，每個套餐都有白飯、沙律或自家製泡菜，昆布清湯，提提你一定要轉木魚溫泉蛋紫菜飯，真係送肉一流。醬汁方面都講究，自家製BBQ汁燒肉汁、鹽味汁、玫瑰岩鹽及原粒黑椒等，大家隨便鍾意選擇自己嘅味道。當晚用QR code點完餐之後，啲嘢食就坐火車嚟，就算我哋大人都會係咁影相都幾有新鮮感。我點嘅和牛西冷套餐，同樣嘅質素，如果喺尖沙咀中環可能要$400-500一件，宮崎A5呀，但係而家$300就已經有成個餐，夫復何求，入口即溶嘅感覺，基本上唔需要諗一定要叫，形容幾好食都係廢
有智能送餐又有得食靚肉嘅新派日式燒肉店，呢啲餐廳是喺尖沙咀或者中環出現會比較多，但係喺沙田都真係幾特別，唔怪得朋友會約，平日夜晚去到已經高朋滿座，就知道應該唔錯，原因是多款CP值極高的燒牛套餐，沙田沿線嘅朋友，值得要前往，有小朋友嘅更加之要去，有個爸爸見我post完IG我後問我地址，之後佢去咗兩次。
EaT燒肉以燒肉套餐為主，最正嘅係頂級牛套餐，有好多日本牛五花、宮崎A5和牛同韓牛等任你選擇，每個套餐都有白飯、沙律或自家製泡菜，昆布清湯，提提你一定要轉木魚溫泉蛋紫菜飯，真係送肉一流。
醬汁方面都講究，自家製BBQ汁燒肉汁、鹽味汁、玫瑰岩鹽及原粒黑椒等，大家隨便鍾意選擇自己嘅味道。
當晚用QR code點完餐之後，啲嘢食就坐火車嚟，就算我哋大人都會係咁影相都幾有新鮮感。
我點嘅和牛西冷套餐，同樣嘅質素，如果喺尖沙咀中環可能要$400-500一件，宮崎A5呀，但係而家$300就已經有成個餐，夫復何求，入口即溶嘅感覺，基本上唔需要諗一定要叫，形容幾好食都係廢話。
宮崎和牛套餐就有A5和牛眼蓋，A4和牛三角腩同和牛肩肉，個人最愛和牛眼蓋，輕輕剪一下就已經好正，和牛三角腩就肉味強，和牛肩肉味道就常見一點，呢個餐就適合三心兩意嘅人。
本身好想食韓牛，韓牛三拼套餐有腹協兩側、韓牛三角和牛頸脊，都幾少見，不過當晚韓牛售罄，勁愛韓國牛嘅朋友話下次再嚟。
除左燒肉都要試下其他，呢個一夜干都不錯，燒鹽漬海產當然最好有技巧，不過真係唔算難搞，新鮮魷魚以鹽輕巧一醃後，味道出色，愛海鮮一定要試。
除咗牛肉之外，日本雞爽肉同富士蘋果地雞肉都係不能錯過，雞爽肉從來冇喺其他地方見過，蘋果地雞肉有一種特別嘅薰香，大家食完和牛未夠滿足就一定要試埋雞。
牛舌心同薄牛舌各有各好，我個人好愛舌心，個texture好特別，同平時厚身嘅有少少不同。
食完咁多肉，當然要食菜，翠玉瓜、日本番薯、日本、南瓜、同粟米基本上係要掃餐牌，蔬菜全部都有調味，咁簡單嘅野都有心機係唔係一間幾有心嘅店先？
唯一唔好嘅就係甜品同飲品選擇唔夠多，希望店方注意下，下次嚟嘅時候會有多啲選擇。
張貼
