影片
更多
2019-10-31
109 瀏覽
星期三又係同呀媽撐枱腳嘅時間，因為放工去開工業區嗰邊換嘢，所以行咗去Emax搵嘢食。本身諗住去foodcourt搞掂，但經過地下見到有間🇹🇭新派泰國菜，啲嘢好似都啱呀媽食，又有2人set，閒日都坐得幾滿座，有啲信心保證咁，所以就入咗去食。餐廳唔算好大，擺到十幾張枱到，坐落都舒服。環境色調偏暗，配埋啲音樂，係幾relax幾chill嘅，仲見到corner位有live band位置🎸，可能weekend有表演啩。睇下食乜先，食物選擇唔算好多，有2人set同4人set，另加2版單點菜式。其實set真係幾抵食，乜都有啲，但呀媽驚食唔哂2個主菜🙈，又唔係好啱沙律，所以散叫咗。呢到嘅泰菜款式比較特別，唔同九龍城傳統泰菜館見到嗰啲，似西式fusion。首先要咗🥥椰子雞湯($78)，奶白色的幾香，用咗唔少芫荽同薑吊味，同有雞柳。味道清清哋，幾甜，每人飲咗成2碗到，係足2-3人份量。既然唔叫2個主菜，就要份大啲嘅小食啦，要咗泰式併盤($188)🍢。份量一啲都唔少！仲有好多款小食添，一次過滿足多個願望😉。燒蟹蓋有3細隻仔，好的骰🦀，中間釀咗薯蓉同少少蟹肉，幾香口。泰式鳳爪就係凍食嚟嘅，無骨啱晒我呢啲懶精🙈
餐廳唔算好大，擺到十幾張枱到，坐落都舒服。環境色調偏暗，配埋啲音樂，係幾relax幾chill嘅，仲見到corner位有live band位置🎸，可能weekend有表演啩。睇下食乜先，食物選擇唔算好多，有2人set同4人set，另加2版單點菜式。其實set真係幾抵食，乜都有啲，但呀媽驚食唔哂2個主菜🙈，又唔係好啱沙律，所以散叫咗。呢到嘅泰菜款式比較特別，唔同九龍城傳統泰菜館見到嗰啲，似西式fusion。
首先要咗🥥椰子雞湯($78)，奶白色的幾香，用咗唔少芫荽同薑吊味，同有雞柳。味道清清哋，幾甜，每人飲咗成2碗到，係足2-3人份量。
既然唔叫2個主菜，就要份大啲嘅小食啦，要咗泰式併盤($188)🍢。份量一啲都唔少！仲有好多款小食添，一次過滿足多個願望😉。燒蟹蓋有3細隻仔，好的骰🦀，中間釀咗薯蓉同少少蟹肉，幾香口。泰式鳳爪就係凍食嚟嘅，無骨啱晒我呢啲懶精🙈，味道酸酸甜甜幾開胃。豬頸肉就有好多塊，幾好食，但底部有啲油。另外仲有4串串燒同魚餅，呢2樣相對普通。
主菜就揀咗保雲酥龍蝦辣茄醬意大利飯($158)，貪佢有龍蝦🦞。上碟都幾精美，龍蝦有半邊，雖然唔大隻，但蝦肉鮮甜彈牙，加上面頭鋪咗好多蒜香麵包粉脆脆，好香，正👍。至於個意大利飯，估唔到都幾辣🌶，呀媽就話ok，我要飲多啖水，但幾惹味。
最後要咗賣飛佛嘅☕️咖啡提拉米蘇($48)，多數喺menu見到我都一定會嗌，唔理幾飽都好。其實呢日都已經好飽，我無諗過只係叫3樣嘢都有咁嘅效果，呀媽英明😎。個tiramisu就一般般啦，隻芝士似忌廉多啲，個質感就似普通蛋糕。鹹食好食啲，有機會再嚟叫甜品的話反而想試糯米飯，見到隔離叫好色彩繽紛咁。
總括嚟講，間餐廳喺各方面都比我想像中好，價錢合理，食物質素唔錯😋，幾啱口味，而且份量十足，呢樣(對呀媽)真係好緊要。同時，店員好友善貼心，會主動幫你換碟，同擺好個位上菜，抵讚。最後，走嗰時發現原來餐廳另一邊都係佢哋嘅，係寵物營地🐾，滿座率仲勁過餐廳嗰邊添，真係估唔到。
張貼
