韓奶奶拌飯

營業中

休息中

今次已經係第二次嚟韓奶奶拌飯食嘢了，就係要 encore 佢嘅牛頸脊拌飯。今次第二次嚟食，原本有諗過揀其他嘢食，但係最後都係抵受唔住牛頸脊拌飯嘅誘惑。啲牛肉好夠腍，而且真係好香好有牛味，配埋牛油同埋拌飯醬撈埋一齊真係好好好好食～我哋仲叫咗芝士辣雞拌飯，都幾好食，辣味適中，再加上溶化嘅芝士，係不錯不錯的配菜方面都有驚喜，包括泡菜同蟹仔。泡菜酸辣開胃，而蟹仔甜甜辣辣嘅味道好得意，食完之後會想再食多幾粒😂我哋仲叫咗個小食，炸薯餅配雪花芝士乳酪醬。炸薯餅外脆內軟，配上雪花芝士乳酪醬，味道非常搭配，好好食。唯一係份量有啲少，$30一塊好似有少少貴，但整體體驗仍然係相當不錯。