漁火海鮮刺身火鍋

營業中

休息中

上次食過一直念念不忘既漁火又再次吸引我同朋友去食喇。上次白肺湯咁正，今次再食豪啲，花膠響螺湯底！花膠響螺固然多，仲有清甜既龍眼吊味，真心正，啲湯仲冇味精可以飲得，飲晒就加邊爐湯打邊爐 ☺️帶子餃超正，入面一絲絲帶子逼滿晒，好飽滿，皮質似魚皮餃。漁火特色四色丸，蝦丸我最愛，外面鋪滿蝦米仔，入面蝦肉又爽口彈牙，好有層次；咸蛋豬肉丸入面有咸蛋，好特別；手打墨魚丸都係好彈牙，feel到一粒粒墨魚仔咁；牛筋丸好鮮味，肉質又實淨，四色丸必食！手切Prime牛肉靚牛一大盤！見紅照食都冇問題，牛味好香，手切果然唔同，切得好薄但又keep到口感。什錦刺身正！三文魚好肥美，北寄貝勁鮮甜。