雞功房 (世瑛大廈) (已搬遷) 新店位置

同事大力推薦，由於第一次食好，今次再去食。去到有黃酒雞湯飲，個人喜歡藥膳湯底，特別受女士歡迎，仲要好足料。第一次係食海南雞蔥油撈麵，一個字:正！佢既雞好滑，個麵好香，份量大。(如果係女士 可以同人share加小食都得) 而今日1250分去到，一心去食醬油雞，點知已經冇哂，仲要冇哂雞(有心想食雞 就要早d去)，唯有去食手拆蟹肉泡飯，其實期望不大，因為係食雞地方食蟹肉泡飯，但竟然出奇地好食，蟹湯好香，仲要多到蟹肉都遮住哂，而蟹肉份量都幾多，食到好飽，下次一定再早d黎食雞。(附送同事叫的蟹肉伊麵)