Burger Shot

營業中

休息中

如果係呢頭搵餐廳想食burger，搵依間試下未嘗不可。安格斯牛肉芝士漢堡（朋友食，我咬咗一啖）牛肉好咬唔乾身，再加埋芝士、生菜同充足嘅醫料，應該每一啖都好好味。烤汁手撕豬蒜爆漢堡豬肉好大塊！唔算太濃蒜味～粟米杯都係係唔錯嘅小食，甜甜地正正常常。仲有蕃茄湯，熱辣辣咁，好多蕃茄蓉，幾好飲。薯條食漢堡點可以冇薯條！佢有幾款醬揀，我今次食配埋蜜糖芥末醬/黑松露醬都幾夾！整體而言都係幾足料、幾值得一試嘅晚餐！我仲好鍾意佢哋播嘅歌唯獨是覺得堂食唔太多位同埋環境有啲黑暗，可能都幾多人係外賣為主⋯P.S. 星期日去食，由於店員話外賣接左好多單，堂食要等十五分鐘，好彩果然真係等得十五分鐘，事先單聲嘅做法非常可取最怕等得耐又唔知等到幾時呢。