影片
更多
2017-03-05
253 瀏覽
以前馬鐵石門站附近就只有工商業大廈，直至早年某酒店開業，最近仲有大型商場落成，令呢區起咗微妙嘅變化。食肆相繼進駐，呢間Explorer Fusion Restaurant就係其中之一。門面同入面裝修似係西餐廳，搖滾嘅背景音樂猶如置身酒吧之中。半開放式廚房嗰邊仲掛咗日本料理嘅刺身名，難怪餐廳以Fusion Restaurant自居。檯上面放咗西式嘅調味料，但啲碟係日式風格。餐牌分咗西餐同日餐，花多眼亂，最後只係試咗其中幾樣。凱撒沙律配63度溫泉蛋，有機羅馬生菜、63度溫泉蛋、巴馬臣芝士、煙肉碎同烘麵包粒分開上，都幾有趣。然後將所有食材一齊放入碟上，之後加埋特製醬汁再將佢拌勻，過程好玩，三文魚子令整體更加爽脆。特級刺身，隻碟巨型到幾乎佔據咗成張檯，陣容非常鼎盛。當中有七款刺身，油甘魚，口感爽滑。三文魚，甘香肥美。赤貝，質感爽，鮮味較重。八爪魚，都幾彈牙。牡丹蝦，肉厚脆身。吞拿魚大腩，入口即化，魚油突出，另外仲有啲三文魚子晌度。活帶子鮮甜，加拿大海膽係完整嘅一大瓣，味道極為濃郁。水牛城棒棒雞、焗芝士肉醬薯角，雖然係小食但份量唔少，兩個都想食又怕太多，廚師好好人咁整咗呢個合併版。水牛城棒棒雞，
以前馬鐵石門站附近就只有工商業大廈，直至早年某酒店開業，最近仲有大型商場落成，令呢區起咗微妙嘅變化。食肆相繼進駐，呢間Explorer Fusion Restaurant就係其中之一。
門面同入面裝修似係西餐廳，搖滾嘅背景音樂猶如置身酒吧之中。
半開放式廚房嗰邊仲掛咗日本料理嘅刺身名，難怪餐廳以Fusion Restaurant自居。
檯上面放咗西式嘅調味料，但啲碟係日式風格。
餐牌分咗西餐同日餐，花多眼亂，最後只係試咗其中幾樣。
凱撒沙律配63度溫泉蛋，有機羅馬生菜、63度溫泉蛋、巴馬臣芝士、煙肉碎同烘麵包粒分開上，都幾有趣。
然後將所有食材一齊放入碟上，之後加埋特製醬汁再將佢拌勻，過程好玩，三文魚子令整體更加爽脆。
特級刺身
49 瀏覽
0 讚好
0 留言
油甘魚
45 瀏覽
0 讚好
0 留言
三文魚，甘香肥美。
赤貝
31 瀏覽
0 讚好
0 留言
八爪魚，都幾彈牙。
牡丹蝦，肉厚脆身。
吞拿魚大腩
26 瀏覽
0 讚好
0 留言
活帶子、加拿大海膽
30 瀏覽
0 讚好
0 留言
水牛城棒棒雞、焗芝士肉醬薯角，雖然係小食但份量唔少，兩個都想食又怕太多，廚師好好人咁整咗呢個合併版。
水牛城棒棒雞，雞槌預先起肉反轉成槌仔咁，食嗰陣就比較方便，外層炸皮薄而香脆，肉質都幾嫩滑。單食已經夠入味，亦都可以點酸酸辣辣嘅水牛城醬汁，又或者係比較特別嘅明太子醬，食法新穎。焗芝士肉醬薯角，芝士焗得焦脆，肉醬入面有番茄蓉同甘筍粒等等，微酸惹味。
和牛漢堡
27 瀏覽
0 讚好
0 留言
先將旁邊嘅黑松露醬放晌煎蛋上，之後按喜好加伴碟嘅蔬菜入去，再蓋上麵包大力一壓，蛋黃汁即時流出。
和牛漢堡
37 瀏覽
0 讚好
0 留言
成個漢堡嘅份量唔少，對女仔嚟講就算切開一半，拎上手都仍然食得有啲狼狽。
我哋食完漢堡之後已經好飽，不過女仔對甜品總係唔能夠抗拒，就算幾飽都可以騰出空位。當晚嘅是日甜品係綠茶紅豆蛋糕，size細細，跟埋橙肉同士多啤梨片，微甜唔漏。嚟之前見呢度係西餐廳加日本料理，難免會令人心生疑問，事後發現食物除咗有外表亦仲有內涵，確實喜出望外。當晚侍應同廚師都好有禮隨和，真係個幾好嘅經歷，希望佢哋能夠繼續保持水準吧！
張貼
