法國小屋

營業中

休息中

久違嘅聚會，一定要搵個舒適嘅地方慢慢食嘢🥂，今次揀咗元朗嘅法國小屋。餐廳藏喺巷仔度，有啲歐風小店嘅風情，裝修簡約又有格調，彷彿行入巴黎嘅一角。揀咗廚師特選套餐，由頭盤到甜品都好有心思。法國龍蝦湯 & 田園沙律：龍蝦湯濃郁順滑，充滿海鮮鮮味，配上香脆麵包更加滿足。田園沙律清新怡人，醬汁剛剛好平衡，唔會太酸或太甜。明大子蟹肉意粉 & 西梅汁西班牙黑豚肉飯：蟹肉意粉鮮美，醬汁濃郁唔膩，每一口都飽覺海鮮鮮味。意粉軟硬啱啱好，吸收醬汁後更加美味。西班牙黑豚肉飯帶來另一種層次，黑豚肉嫩滑多汁。招牌咸牛油焦糖窩夫 & 蘋果批：焦糖窩夫外脆內鬆，焦糖甜味同咸牛油香味完美結合，讓人難以忘懷。蘋果批為經典之作，蘋果餡香甜唔膩，配合牛油酥皮香氣，為美餐畫上完美句號。法國小屋係一間適合細味嘅歐陸小館，餐點水準高，係一個適合聚會、閑談嘅理想場所下次想悠閒享受法式風味，呢度絕對係一個唔錯㗎揀選！