花花世界. (已結業)

今日難得放假出去旺角行街，順便去埋打卡熱點花花世界醫肚兼影靚相！餐牌樣樣好似都幾吸引！入到去真係好似進入左夢幻世界咁，周圍佈滿花花，好似去左花園咁，好靚睇到心心眼！主菜會跟個餐湯，有啲洋蔥粒，味道幾濃！我地叫左個阿根廷紅蝦青醬意粉，大蝦有成個權頭咁大，蝦肉幾新鮮彈牙，青醬好特別，加埋啲橄欖油，令到意粉好香好滑！再叫左個美國安格斯肉眼配紅酒燒汁，肉眼扒叫左7成熟，size大過隻手掌！牛肉味幾濃郁，完全唔韌！仲有啲薯菜係低到，好豐富。伯爵茶百香果茶酸酸都，都幾醒胃消濟！餐廳啲杯杯碟碟都係陶瓷，勁靚！下次姐妹gathering一次再嚟打卡！