影片
更多
2010-09-20
89 瀏覽
上OPENRICE同我老死FAT CAT見到呢間餐廳，覺得D食評講得唔錯，同埋FAT CAT係邊爐王子(老板妹妹改的)，咩火鍋都要試下，所以決定黎試一試，而我本身就想試串燒多D，一於同FAT CAT黎個豪氣慶生。呢間私房菜真係好難搵，我同女友去到加拿芬道，淨係見到39號同41號，但係中間搵唔到40號，原來係唔跟順序的，40號係格蘭中心對面，香港仔魚蛋隔離上，個時都以為自己搵錯左，去左人地屋企，之後再打電話先知原來真係係好似唐樓咁ge地方。FAT CAT話RESERVE左個$200的火鍋，我以為係5個人$200，份量好少，點知係每人$200，搞到我仲叫左其他串燒食唔晒不過個火鍋就係好正，我同女友都話一世人食過最正就係呢個火鍋，雖然呢餐都係我地一世人俾過最貴個餐不過我地貴都係貴在飲酒，因為FAT CAT係正宗酒鬼，飲左5支啤，2支SAKE同1支梅酒當然我都有份陪佢飲LA講下D食物質素先頭盤芝士酒盜︰第一次食，D芝士幾正，另外個個係魚子咁GE口感，我地都唔知係咩@@不過好咸，就係最岩送SAKE青瓜伴蟹膏︰D膏我女友話有D臭味，不過我覺得OK GE，冇乜特別。火鍋牛腩蘿蔔湯底︰超入味，D牛坑腩
呢間私房菜真係好難搵，我同女友去到加拿芬道，淨係見到39號同41號，但係中間搵唔到40號，原來係唔跟順序的，40號係格蘭中心對面，香港仔魚蛋隔離上，個時都以為自己搵錯左，去左人地屋企，之後再打電話先知原來真係係好似唐樓咁ge地方。
FAT CAT話RESERVE左個$200的火鍋，我以為係5個人$200，份量好少，點知係每人$200，搞到我仲叫左其他串燒食唔晒
不過個火鍋就係好正，我同女友都話一世人食過最正就係呢個火鍋，雖然呢餐都係我地一世人俾過最貴個餐不過我地貴都係貴在飲酒，因為FAT CAT係正宗酒鬼，飲左5支啤，2支SAKE同1支梅酒當然我都有份陪佢飲LA
講下D食物質素先
頭盤
芝士酒盜︰第一次食，D芝士幾正，另外個個係魚子咁GE口感，我地都唔知係咩@@不過好咸，就係最岩送SAKE
青瓜伴蟹膏︰D膏我女友話有D臭味，不過我覺得OK GE，冇乜特別。
火鍋
牛腩蘿蔔湯底︰超入味，D牛坑腩勁好味，粟米又甜，我食左好多湯料，仲飲左2碗湯TIM，一D味精都冇，同埋唔夠湯個時都係加返湯，唔會加水，抵讚！
鮑魚︰正常鮑魚味，梗係好食LA，我同女友都第一次打邊爐有鮑魚食
帶子︰超鮮甜，放落去碌一陣就得，超正
牛肉︰唔係一般GE肥牛，係美國薄切牛，口感唔錯！
冬菇釀蝦膠︰D蝦膠好彈牙
鵝腸︰正常味道，
雲吞︰雲吞皮薄，好味
生菜︰初初以為菜打邊爐都係咁ge味，點知d生菜就係超甜超爽，未試過打邊爐咁想食菜
菜心︰都幾好味，口感唔會硬
魚︰口感唔錯。
串燒，即叫即燒夠晒熱，正！
燒牛舌︰口感一流！
燒羊扒︰好味，我覺得如果可以蘇d仲好xd，不過我女友就岩岩好。
紫蘇雞肉︰雞肉好嫩，紫蘇我女友唔鍾意食，我就ok
煙肉蕃茄︰車厘茄好味，鮮甜
甜品，送ge
茶凍︰唔會太甜，唔錯
綠茶布丁︰綠茶味幾重，唔係好甜，岩晒我
飲品
梅酒︰一流！
sake︰同我之前飲過ge唔同，易入口，價錢都ok，$120/小樽
佢d杯好靚，全部放入雪櫃，唔會影響酒ge溫度，抵讚！
其實我諗住係咁食串燒，點知FAT CAT叫左個咁大ge火鍋飽到食唔落，不過下次同女友黎再食過=]仲有張$100 coupon俾返我地
雖然消費高，不過真係物超所值，環境一流，同埋好有家ge感覺，坐左5個鐘不停傾計，之後知道原來消費满$2000可以包房tim其他客走晒，我地就同老闆同埋佢個妹吹水，仲請左佢地食我為fat cat準備ge starbucks生日月餅，傾下我地去旅行ge野，又交換facebook。可以食飯之餘暢所欲言識到frd真係好滿足
張貼
