MOONKOK (K11 Art Mall) (已結業)

SOHO開咗間新店梗係要試吓啦，先講支紅酒，因為幾好飲所以專登問咗個名(Shiraz-Calabria Guiding Star)，澳洲酒黎嘅，同D肉類好夾。一開始除咗紅酒之外，叫了兩款小食，分別係Lemongrass Chicken Wings同芝士焗蠔，個雞翼因為有Lemongrass所以都幾Fresh，個焗蠔比預期多，竟然有5隻，在大家都係$98的情況下，似乎叫焗蠔的抵食D。主菜叫了M5和牛Ribeye、脆皮豬手，同埋一個叫豬八戒的豬肉蒸包。個和牛Ribeye中規中矩，我成日覺得呢D牛扒如果本身質素高而又無over cook其實好難唔好食嘅，佢配嘅紅酒汁同件Ribeye都夾嘅。呢個炸豬手幾好食，皮夠脆但唔硬，入面嘅豬手肉都夠嫩，點芥末好好食，不過如果唔係配普通嘅黃芥辣而係配有秄的甜芥辣味道應該仲好D。呢個豬八戒其實就係中式蒸包入面夾住豬肉，D豬肉係有D肥嘅，所以叫豬八戒都幾貼切，影相打卡係唔錯嘅。