匠工房秀吉 (已結業)

而家出黎食飯 要三十蚊埋單幾乎無可能 出到黎沙田的話 無四五十蚊更加唔洗諗 好在！！！！係沙田新城市廣場三期food court 入邊間秀吉就做到 $30蚊叫一個A餐 有炒麵同大大塊的燒餅 先講炒麵 味道真係唔錯 材料有牛肉 菜 蘿蔔絲 仲加左少少薑絲 另外講個燒餅 成塊餅係用蛋漿放係鐵板上邊燒 上面有好大塊豬肉 講真舊餅好大塊 真係好大塊 自己一個人肯定食唔哂 ps 成間野最抵食一定係A餐 如果想享受較高水平的食物品質 一定唔好揀繁忙時間黎食 因為佢趕時間一定hea整 另外 佢呢間野屬於開放式廚房 食客一邊等拎自己的食物可以了解食物係點整 同時成個製作過程大家都望住 確保食物衛生唔會馬虎