辛手村 (已結業)

辛手村餐廳好多朋友推介，一定要試試！麻辣黑松露/日式壽喜燒味干鍋原來係餐廳自家製，可以試吓自家製特色口味～ 每晚去到9:30就會開始調教燈光，感覺好似酒吧，非常Chill！韓式芝士麻辣干鍋揀咗BB辣，味道有少少香辣，我哋揀咗配料豬頸肉、蟹柳、午餐肉、萵筍、蓮藕，同個鍋都好夾，夠入味。有少少芝士嘅香味有輕微麻辣，相當惹味！嚟到呢度當然唔少得食串燒揀咗幾份包括川味扇貝經典豬頸肉岩焼厚切牛舌心川燒魷魚鬚串 扇貝係好香辣同埋有好多粉絲吸味！經典豬頸肉比較厚切同埋爽口，油香十足。厚切牛舌心鹹香十足，爽口而且裏面好嫩滑。魷魚鬚串，香辣惹味，款款有驚喜！鳳梨烏龍冰茶芭樂烏龍冰茶兩款冰茶都係小清新，唔會太甜，連同串燒一齊食就Perfect match。