影片
更多
2023-08-03
30 瀏覽
N+ Burger門口係醒目嘅綠色外牆，樓高兩層，我第一眼無睇清楚仲以為係Cafe添！呢間漢堡包店唔單止打到卡，重點係質素唔錯，餐廳主打自家澳洲牧場直送嘅 Hunter Beef 安格斯牛，由飼養到進口香港都一手包辦，所以品質有保證之餘，亦能夠以一個比較親民嘅價錢食到靚牛。N+ Classics with Bacon($85)漢堡用上酸種麵包，口感軟熟又帶點煙靱彈性，好食！材料有4安士安格斯牛肉漢堡、煙肉、芝士、蕃茄片、酸青瓜、綠毛菜及洋蔥圈，配搭經典穩陣。牛肉漢堡肉味突出，非常高質，不過煙肉就煎得乾咗D。Classic 系列漢堡包嘅最大特色就係可以跟據個人喜好自選醬汁，我揀咗千島醬都幾夾！王牌醬汁三重蒜蓉醬都好吸引呢！下次試下！N+ Limited Truffle ($115)Limited Series嘅牛肉漢堡比Classics系列嘅更有份量，啱晒食肉獸！用上6安士安格斯牛腩肉漢堡，配搭芝士、炒本菇、蕃茄片、綠毛菜及自家製松露醬，味道豐富！自家松露醬驚喜不大，反而澳洲牧場直送嘅嘅牛肉漢堡真心唔錯，煎至外層焦脆，內裡juicy嫩滑，肉味都好濃！另外都強烈推薦加點combo套餐(+$
N+ Classics with Bacon($85)
漢堡用上酸種麵包，口感軟熟又帶點煙靱彈性，好食！材料有4安士安格斯牛肉漢堡、煙肉、芝士、蕃茄片、酸青瓜、綠毛菜及洋蔥圈，配搭經典穩陣。牛肉漢堡肉味突出，非常高質，不過煙肉就煎得乾咗D。Classic 系列漢堡包嘅最大特色就係可以跟據個人喜好自選醬汁，我揀咗千島醬都幾夾！王牌醬汁三重蒜蓉醬都好吸引呢！下次試下！
N+ Limited Truffle ($115)
Limited Series嘅牛肉漢堡比Classics系列嘅更有份量，啱晒食肉獸！用上6安士安格斯牛腩肉漢堡，配搭芝士、炒本菇、蕃茄片、綠毛菜及自家製松露醬，味道豐富！自家松露醬驚喜不大，反而澳洲牧場直送嘅嘅牛肉漢堡真心唔錯，煎至外層焦脆，內裡juicy嫩滑，肉味都好濃！
另外都強烈推薦加點combo套餐(+$55)，有埋薯條／薯角及飲品，更加豐富！
Wedge Cut（新薯角）& Crispy Fries（脆薯條）
呢度嘅薯條同薯角超級出色！用上美國薯仔新鮮製成，薯味十足，薯角連皮炸，外脆內軟綿綿！
薯條比較粗身，食起來都特別由有口感！另外仲可以免費挑選自家醬汁配搭，揀咗BBQ醬及蜜糖芥末醬。BBQ醬用獨家秘方配以茄汁秘製而成，酸酸甜甜，較為開胃，亦比一般嘅茄汁更有層次及風味！蜜糖芥末醬甜甜地，好啱我口味！
Sparkling Lemonade
飲品揀咗自家製嘅Lemonade，酸甜解膩，口感清爽！
汽水
汽水竟然有得無限添飲，好有誠意！
張貼
