小喇咩 (已結業)

嗰日收工同同事去咗little la mer食飯，知道係黃長興開的~無諗過又真係見到佢喎，仲加多個林子善添😁好，入返正題，首先食咗個頭盤温泉蛋芝士蟹肉大烤菇（$68），記得襯熱食，好juicy！芝士蟹肉嘅味夠濃又唔會搶過大烤菇嘅味。意式卡邦尼芝士雞翼（$68），啱哂係街食因爲係單骨的！淋上毫不吝嗇嘅卡邦尼芝士，搭上脆口嘅雞翼，大滿足！黃金流沙炸蝦薄餅（$178），好好食呀！上面係鹹蛋黃所以會膩啲，但係又勝在餅底係薄脆餅，食落light啲。小喇咩特盛雜錦湯河（$158），就覺得係好食嘅，湯頭都甜，牛肉都幾嫩。甜品本身想叫綠茶千層蛋糕嘅，但係嗰日無哂，所以叫咗火焰焦糖香蕉伴雪糕（$78）。