龍點心 (Eastcore)

營業中

休息中

為左慶祝灣仔新鋪開張，每枱客人都有welcome food，每日款式都唔一樣，但就未知會做到幾時，如果想食就要快D去食啦。桂花糕 + 豆沙餅兩個甜品都唔會太甜，桂花糕食落口好清新，而且都有好香桂花味。豆沙餅內饀一咬就會爆出黎，絕對唔會因為係送既就厚皮少饀，而且內在有少少類似話梅既酸，都幾開胃。脆脆富貴紅米腸粉有配豉油同酸甜醬，但我就比較中意配豉油，可能因為係腸粉啦~ 內饀包左蝦卷，蝦都好爽口，唔會梅，而入面都唔會因為包左一層腸粉而軟曬，食落口都係有酥炸脆口既感覺。黑金流沙包其實就同出面茶樓好食既流沙包差不多，但佢外表就會比較特出D，用黎打卡一流。包都鬆軟，但會有飽肚感，而流沙饀都有流沙既效果出黎，而且唔會過份甜同有蛋黃既香味。絕對係一個合格既流沙包。肉鬆馬拉糕好好食既馬拉糕，諗唔到肉鬆同馬拉糕原來都可以禁夾，有咸甜咸甜既味道，令人好想不斷食落去。佢係肉鬆同馬拉糕中間好似揸左少少花生醬同煉奶，所以都有少少花生香同奶香。豆腐布丁唔會太甜，好重豆漿味，如果中意豆漿既話，應該都會幾中意食。