Goobne Chicken (V Point)

營業中

休息中

韓國炸雞係我嘅至愛，幾乎每個星期都要食3~4次炸雞，身邊好食嘅炸雞店幾乎都食過。但係成日食炸雞仲飲埋啤酒會好易肥，太多炸物又熱氣，所以最近就改食左烤雞啦。之前一直以為goobne都係炸雞，因為佢哋嘅脆皮烤雞都好似炸雞咁一樣口感，完全唔知系烤出嚟嘅，而且都冇裹面粉，唔會咁易肥。後尾試左佢哋家其他味嘅烤雞先知係烤出黎嘅，肉汁好多，烤雞嘅味道更加香。聽講出了新口味蜜糖香滑烤雞，甜咸口味嘅未試過所以就叫左份啦，oh my God好好食 感覺開辟左新大陸咁，似係食左牛油蜂蜜薯片一樣停唔到口，而且軟軟嘅口感同香濃嘅醬汁搭配更加特別。仲有杯鯊魚之淚一定要試下，又好玩又好飲 係杯好岩烤雞嘅嘅一款凍飲。雖然香港有好幾間分店，但銅鑼灣呢家店因為風景很好，所以常嚟。服務都好好，老細係韓國人都幾親切，只係晚飯時間人多可能會要等位，之不過肯定係抵你等嘅好味道。