Wahtiki Island Lounge (已結業)

今日同男朋友慶祝情人節，晚餐並無因為情人節而加價，呢一點值得一讚。諗住呢間餐廳係食環境食氣氛，點知啲嘢食都幾好食，叫咗一份由餐廳侍應推介嘅牛油果意粉，第一次食牛油果同意粉呢種組合，估唔到異常地夾同好味，但係份量真係少左啲，食幾啖已經冇晒。另外在叫咗一個烤雞，好夠熱，皮香脆好味，特別想讚嘅係伴碟嘅番薯條，好入味好好味，食唔停口。至於環境方面就係好似夏威夷風格嘅酒吧，仲有人唱歌，都幾好氣氛。會再去嘅一間推薦餐廳。