影片
更多
2025-02-07
0 瀏覽
👣值得科勞指數：🏃🏻♀️🏃🏻♀️🏃🏻🏃🏻 🏃🏻♀️🏃🏻♀️🏃🏻🏃今次去咗 Chutney 食印度菜，一入餐廳就覺得環境好有印度風情，一磚一瓦都顯出當時設計餐廳既用心之處。試咗幾道菜，每樣都各有特色，值得慢慢講。Shrimp Salad，呢道沙律同平時食開嘅好唔同，蝦仁夠晒新鮮彈牙，醬汁酸酸甜甜，帶少少印度香料嘅香氣，好醒胃。Chicken Tikka Biryani一上枱就聞到好香嘅香料味，米飯金黃色，粒粒分明，雞肉用咗多種香料醃過，烤到外皮微微焦香。Butter Chicken呢道菜真係無得輸！奶油醬汁香濃幼滑，雞肉煮到好入味。醬汁嘅香料味好平衡，唔會太搶，配埋蒜香烤餅 Garlic Naan一齊食，簡直係絕配。Naan 外脆內軟，蒜香味十足，點埋醬汁食，真係食到舔舔脷！Keema Pav呢個可以話係印度版嘅漢堡，麵包鬆軟，夾住炒得香辣嘅羊肉碎，味道濃郁得嚟又唔會太膩。羊肉碎用咗多種香料炒製，辣度適中，食完之後仲想再encore！Chutney 每道菜嘅香料運用都好出色，味道豐富得嚟又唔會太heavy。餐廳環境舒適，服務亦都好貼心，裝修豪華，係一個好好哋享受印度菜嘅地方。如果你鍾意香
今次去咗 Chutney 食印度菜，一入餐廳就覺得環境好有印度風情，一磚一瓦都顯出當時設計餐廳既用心之處。試咗幾道菜，每樣都各有特色，值得慢慢講。
Shrimp Salad，呢道沙律同平時食開嘅好唔同，蝦仁夠晒新鮮彈牙，醬汁酸酸甜甜，帶少少印度香料嘅香氣，好醒胃。
Chicken Tikka Biryani
一上枱就聞到好香嘅香料味，米飯金黃色，粒粒分明，雞肉用咗多種香料醃過，烤到外皮微微焦香。
Butter Chicken
呢道菜真係無得輸！奶油醬汁香濃幼滑，雞肉煮到好入味。醬汁嘅香料味好平衡，唔會太搶，配埋蒜香烤餅 Garlic Naan一齊食，簡直係絕配。Naan 外脆內軟，蒜香味十足，點埋醬汁食，真係食到舔舔脷！
Keema Pav
呢個可以話係印度版嘅漢堡，麵包鬆軟，夾住炒得香辣嘅羊肉碎，味道濃郁得嚟又唔會太膩。羊肉碎用咗多種香料炒製，辣度適中，食完之後仲想再encore！
Chutney 每道菜嘅香料運用都好出色，味道豐富得嚟又唔會太heavy。餐廳環境舒適，服務亦都好貼心，裝修豪華，係一個好好哋享受印度菜嘅地方。如果你鍾意香料同濃郁嘅味道，呢度絕對值得一試！下次我都想再嚟試吓其他菜式，睇吓仲有咩驚喜！
0 瀏覽
0 讚好
0 留言
張貼
