The Victuals

營業中

休息中

灣仔修頓球場對面有間開咗不久嘅西餐廳，搭升降機上一樓，打開門係一個U字型酒窖，我再行入去有大約20張枱，以啡色木器為主，仲有一排吧枱高椅向着外面球場。之前新開張嘅時候食過午餐已經覺得環境好舒適，今次約埋朋友一共四位食晚餐。餐牌有好多選擇，唔少得豬、牛、雞、仲有海鮮類例如青口，蟹肉他他，魚類等。頭盤係個dry aged 牛骨髓，食落口感幼滑，輕微嘅辣塗上麵包幾香口。grill 豬肉條帶少少甜酸，完全冇骨，啖啖肉可以好快清碟。Prime striploin 係30 days dry aged ，300 gram份量都唔少，牛肉嗰邊好脆，有少少油脂加上牛味好濃。最興奮喺個薯蓉，好興薯仔味亦好滑身。我平時好少食薯仔都一次過食晒。tiramisu presentation 都好有心思，唔用傳統手指餅，用自製almond 脆餅，再加上注入空氣嘅朱古力。