達人包車 (已結業)

RealFoodie有班好鍾意食韓國野嘅朋友仔，見到只要facebook名有halloween入面5個character就有7折，咁岩真系有朋友仔有又點可以走寶呀7點入到去暫時冇咩人，應該大家未放工，間鋪裝修得好有格調，服務員超級nice, 仲有幾個系正宗韓國人tim.見到大家都叫招牌韓式芝士排骨鍋，我地當然都要試下啦。 一上到黎真心大份抵食，特別系有7折，煮一陣等啲芝士融，Oppa就會過黎幫你卷埋系排骨面頭，有得食又有得睇，點會唔正？食韓國野，一定唔少得嘅就當然系炸雞啦，我地點左個蜜糖炸雞，真系非一般咁好味呀！佢上嘅時候，同班friend都o咗，180蚊咁大份？！平時出面啲炸雞好細份嫁嘛。。。但系呢個真系唔講得笑，浸系蜜糖度個皮都超級脆，同埋唔油膩，食多幾件都唔怕。有燒雞又點可以冇米酒呢？因為唔系飲得之人，所以叫左個濃重3%嘅柚子味米酒試下，10月所有酒精飲品都做緊半價，抵飲啦。都系好飲，有酒味，甜甜地，配埋炸雞，無可挑剔！我地就食到差唔多嘅時候，見到有枱點左個超級串燒，好唔好食呢就唔知啦，但一出場就吸引左全場目光，有興趣嘅朋友可以去試下。