Ruby Tuesday (已結業)

我生日，一早已訂定位!好彩冇叫太多野，叫左3樣都非常飽飽，差啲想叫隻燒春雞!先係沙律，我叫左大大大磨菇做配菜。菇好爽口，完全冇腥味，佢真係比足隻隻菇我!最衰我男朋友唔食沙律，要我一個人食曬成碟。呢個情況下個醬有啲太重味，食到有少少厭。小食拼盤都幾好，有炸蝦，炸魚，另外一個食唔出係炸咩(>﹏<)(>﹏<)(>﹏<)!啲野食真係多到食唔曬，我打包左啲炸野走，到第二日都非常好食脆口，可見原本的新鮮。我同男友都好鐘意黃色個醬，十分開胃。我就好鐘意個燒排骨，香香的蜜糖味，睇落瘦實質都幾多肉。肉質較紮實，仲有淡淡的炭香。跟拼盤的薯蓉都幾好，冇食到喉乾的情況，但稍嫌唔夠creamy,可更濕潤。最令人失望係個芝士西蘭花雞肉意粉，芝士味唔香，反而加重了負擔。雞同芝士個味真係唔係好夾，雞肉都入唔到味。而且賣相白雪雪咁，好斋，好單調，最後費是嘥，都係把包走。西蘭花太淋，仲黃黃地添…唔緊要啦，試一次，好彩全單7折姐。