餃掂手工餃子雲吞專門店

捱左5日，終於到星期五既勒，真係要好好慰勞下自己，食啲自己鍾意既野 ， 就例如餃子🥟煎野生松茸素餃 香口野係我至愛，依款野生松茸素餃，個皮煎得好香脆，松茸具高營養價值，加埋韮菜？蔥？令味道提升。重慶鮮肉雲吞（小辣）咬落帶小辣之餘，仲帶點醋香，而且雲吞皮滑，豬肉軟嫩，佢哋處理豬肉真係非常好味😘四川涼麵表面舖滿蔥花、花生粒和辣粉，將佢撈埋麻醬，食落去辣中帶酸，又感受到花生既脆，但佢同酸辣粉唔到，係另一個食法，唔錯～你可以加佢哋既菜腩豆鼓醬，又會產生另一個味道變化～蜜餞雞翼超香蜜糖味包圍著雞翼香，雞翼皮滑又甜，肉味滿滿🥰日本龍鳳蛋配黑白松露醬醃製過既日本蛋帶咸香，蛋白滑溜、蛋黃流心，時間控制得非常好，加上矜貴既黑白松露醬令佢更加錦上添花。黑松露已經好矜貴，佢仲有埋白松露👍🏻而且松露味香濃得來唔會有石油氣味👍🏻雙拼：湯雲耳椰菜豬肉餃+大白菜豬肉餃 雲耳椰菜豬肉餃-雲耳爽口、椰菜脆口，令口感非常好！配埋香濃既豬肉，滑捋捋既餃子皮，正呀喂～白菜豬肉餃- 同樣具口感既脆脆大白菜加埋粒粒粟米，每口一口都係索索聲，加埋肉嫩多汁既豬肉，咬唔停口。狀元湯底香濃，配餃子一流👍🏻自製山楂雪梨水 秋天到來，飲返杯