影片
更多
2018-11-19
138 瀏覽
恰下恰下又過左一星期，咁就到星期五。難得今日唔洗OT，約左Oppa係MK等，點知佢一黎到就話今日好大怨氣，要飲反杯調劑下先得。我地行左轉朗豪坊都冇間岩feel，就醒起砵蘭街呢頭有幾間串燒食，於是就決定食呢間－「老川皇」。老川皇串燒好多選擇架，最平$5有交易，就算燒魚都係$62，出面邊度搵呀？所以我地決定主攻串燒，絶對係佐酒恩物呀！秋季天氣乾燥，先黎枝青島($24)潤一潤喉先茄子 ($25) 燒茄子原條開邊，一上枱已經聞到好香孜然粉味，加上滿滿蒜蓉，香料完美混和響茄子肉度，非常惹味。茄子燒得好腍，完全唔會乾，非常juicy，抵食呀，所以我地前後食左2條！雞肉腸 ($5)𠝹哂花去燒，d調味粉滲哂入去，每一啖都好好味。牛舌 ($20)牛舌最怕就係燒到又乾又韌，不過呢度又無喎，肉質嫩滑，咬落非常爽口，完全無渣，加上孜然粉，牛味更突出。雞軟骨($14)雞軟骨都算係必叫佐酒菜，燒得好金黃香脆，外酥內軟既雞軟骨，加上簡單嘅調味，全無油膩感。多春魚 ($14)表面金黃，魚骨已經燒脆，肉質特別嫩滑，味道十分鮮美，多春魚既營養價值亦非常高。墨魚丸 ($14)入口富有彈性，口感爽脆，面有焦香。貴妃蚌 ($2
恰下恰下又過左一星期，咁就到星期五。難得今日唔洗OT，約左Oppa係MK等，點知佢一黎到就話今日好大怨氣，要飲反杯調劑下先得。我地行左轉朗豪坊都冇間岩feel，就醒起砵蘭街呢頭有幾間串燒食，於是就決定食呢間－「老川皇」。
老川皇串燒好多選擇架，最平$5有交易，就算燒魚都係$62，出面邊度搵呀？所以我地決定主攻串燒，絶對係佐酒恩物呀！
青島
$24
8 瀏覽
0 讚好
0 留言
茄子
$25
17 瀏覽
0 讚好
0 留言
燒茄子原條開邊，一上枱已經聞到好香孜然粉味，加上滿滿蒜蓉，香料完美混和響茄子肉度，非常惹味。茄子燒得好腍，完全唔會乾，非常juicy，抵食呀，所以我地前後食左2條！
雞肉腸
$5
16 瀏覽
0 讚好
0 留言
𠝹哂花去燒，d調味粉滲哂入去，每一啖都好好味。
牛舌
$20
9 瀏覽
0 讚好
0 留言
牛舌最怕就係燒到又乾又韌，不過呢度又無喎，肉質嫩滑，咬落非常爽口，完全無渣，加上孜然粉，牛味更突出。
雞軟骨
$14
12 瀏覽
0 讚好
0 留言
雞軟骨都算係必叫佐酒菜，燒得好金黃香脆，外酥內軟既雞軟骨，加上簡單嘅調味，全無油膩感。
多春魚
$14
13 瀏覽
0 讚好
0 留言
表面金黃，魚骨已經燒脆，肉質特別嫩滑，味道十分鮮美，多春魚既營養價值亦非常高。
墨魚丸
$14
13 瀏覽
0 讚好
0 留言
入口富有彈性，口感爽脆，面有焦香。
貴妃蚌
$23
6 瀏覽
0 讚好
0 留言
肉厚又鮮美，食落唔老，幾爽口！配大量蒜蓉，好惹味，絕配呀！
雞中翼
$12
9 瀏覽
0 讚好
0 留言
外脆內軟，咬開仲有肉汁，孜然粉吊出雞味。
魷魚鬚
$12
9 瀏覽
0 讚好
0 留言
細細條，脆卜卜，好似薯條咁脆咁香。
豆腐干
$12
28 瀏覽
0 讚好
0 留言
豆腐干本身比較淡味，但咁樣就正正係大好機會，可以完全品嚐到孜然粉嘅香氣。
羊架
$28
10 瀏覽
0 讚好
0 留言
燒得剛剛好，肉質嫩滑之餘，仲幾juicy。咬落幾腍身，非常之入味。難得羶味不太明顯，幾適合怕羶嘅朋友食用。
總括黎講，老川皇係Happy Hour 好地方，價錢唔貴之餘，質素都幾好，尤其係重慶燒呀，仲係十二，十四蚊一串，放工食幾串串燒，啤一啤佢，人生一大樂事！
張貼
