Mini Club (已結業)

和朋友把酒傾計又有酒飲又有野食又要夠方便，所以呢...就搵左呢係太平道的MINI CLUB，呢度唔會太嘈，店內裝修非常特別，牆身有個大大的摩天輪，紛暗的燈光下感覺幾舒服。- Carta Vieja 智利出產的紅酒，葡萄味香容易入口，口感偏薄。- Oyster 2 款Fine De Claire 海水味強，蠔身幾滑，夠新鮮，Ostre Diam's 礦物味濃，入口鮮味爽口。- 海之幸福摩天輪以摩天輪方式逐一載著炸蝦、炸蟹蚶、炸魷魚、炸魚柳及炸蠔等，全部都炸得香脆。仲有點蔬菜青瓜清清熱。- 西班牙精選材料幾豐富，有沙樂美腸、蘑菇片、火腿、洋蔥、蕃茄、香草及Mozzarella芝士，味道唔錯，芝士夠香，如果批底薄少許就更好了。- 西班牙伊比利黑毛豬火腿伴芝士拼盤巴馬火腿愈嚼愈有肉味，多款芝士包括黑松露車打芝士帶陣陣松露香，辣椒青檸車打芝士帶啲啲辣味幾特別，特級巴馬臣芝士味濃。仲黑松露醬及鵝肝醬搽餅乾幾惹味，所以一邊飲紅酒一邊吃這拼盤實在不錯。- Pussy Foot由於係happy hour時段，drink list上的都有八折，所以叫多杯mocktail，果汁味新鮮好飲。