麥當勞

營業中

休息中

同上年一樣，麥當勞喺3月14白色情人節推出左同批有關嘅優惠，比一個happy pie day大家！平時要$8嘅批，今日只係賣$3.1咋！仲有蘋果批、紅豆批、芋頭批三個選擇。雖然，麥當勞成日偷偷地加價，但間唔中呢啲優惠都幾吸引架。趁着下午茶時間，我就買咗紅豆批同芋頭批，原本都有諗過買埋蘋果批，但三個又好似太多，所以最後唯有捨棄比較普通嘅蘋果批，只係買咗兩個。紅豆批雖然味道有少少甜，但配合鬆脆嘅批皮，再加上有紅豆粒增加口感，所以整體感覺不過不失。而芋頭批就相對冇咁甜，芋頭味尚算香濃，同樣有芋頭粒增加口感，以優惠價泥講，絕對係性價比高嘅下午茶。