ISSY MASON Cafe (已結業)

快去東京旅行，但個行程度極都未掂，呢個時候，梗係要向姊妹請教。想近近地搵間坐得舒服，兼有wifi可搵資料既餐廳，於是揀左Issy Mason Cafe。其實Issy Mason Cafe係芸芸觀塘樓上cafe之中，幾具話題性既一間，因為佢標榜有飯食之餘，仲有衫賣。咁我地呢d購物狂，籮柚未坐低就走左去睇衫，但d衫真係好把鬼，深水埗長沙灣貨色，但賣得勁貴，算，都係返埋位，安份點餐。先黎餐湯同餐包。蒜蓉包患左乾硬化症，個餐湯又好稀，兩樣都麻麻。煎豬扒配薯菜，我覺得個汁好茶餐廳味道，唔鍾意呢陣味，好失望。煎魚比較好，因為皮煎得脆，加番少少分。總括黎講，食物唔係好好，不過環境係ok既，服務亦可以，人客唔多，想黎hea黎傾計，都算係一個選擇，不過我就無動力黎第二次。