影片
更多
2022-01-08
1967 瀏覽
𝗛𝗲𝗻𝗿𝘆📍 5/F Rosewood Hong Kong Victoria Dockside, 18 Salisbury Rd, Tsim Sha Tsui 下次出去餐廳食晚飯又唔知幾時啦😮💨呢次介紹位於rosewood嘅扒房，同佢哋旗下嘅餐廳一樣咁有水準🤩環境較暗，氣氛夠晒浪漫呀。Henry相對下無Chaat咁難book，月頭上佢哋網站睇吓都大機會book到嘅。如果遲咗少少就唔會係啲靚仔嘅時間，我哋今次都只係book到5:45pmHenry以炭烤嘅煮法為主，所以佢哋嘅肉味較重，帶少少炭燒嘅香味。重口味又身為食肉獸嘅大肥🙎🏻♂️就表示非常鍾意🤣我哋今次兩個人去，叫左2個main，2個sides，甜品同2杯酒，平均每人$1000雖然價格偏高，但無論係食物，環境同服務嘅質素都好高，係一間我哋好推薦嘅餐廳𝗥𝗶𝗯 𝗲𝘆𝗲 $768/16oz 9.5/10我哋今次叫咗medium rare嘅美國黑安格斯肉眼扒。Henry一向都用上USAD Prime即係最高品質嘅牛肉，再加埋用咗炭烤去烹調牛肉，唔洗任何調味料都好好食，牛肉味夠晒濃🤤牛扒外層烤到有少少脆，加上肉眼部位一向偏淋，牛質夠嫩，真係好
📍 5/F Rosewood Hong Kong Victoria Dockside, 18 Salisbury Rd, Tsim Sha Tsui
下次出去餐廳食晚飯又唔知幾時啦😮💨呢次介紹位於rosewood嘅扒房，同佢哋旗下嘅餐廳一樣咁有水準🤩環境較暗，氣氛夠晒浪漫呀。
Henry相對下無Chaat咁難book，月頭上佢哋網站睇吓都大機會book到嘅。如果遲咗少少就唔會係啲靚仔嘅時間，我哋今次都只係book到5:45pm
Henry以炭烤嘅煮法為主，所以佢哋嘅肉味較重，帶少少炭燒嘅香味。重口味又身為食肉獸嘅大肥🙎🏻♂️就表示非常鍾意🤣
我哋今次兩個人去，叫左2個main，2個sides，甜品同2杯酒，平均每人$1000
雖然價格偏高，但無論係食物，環境同服務嘅質素都好高，係一間我哋好推薦嘅餐廳
𝗥𝗶𝗯 𝗲𝘆𝗲 $768/16oz 9.5/10
我哋今次叫咗medium rare嘅美國黑安格斯肉眼扒。Henry一向都用上USAD Prime即係最高品質嘅牛肉，再加埋用咗炭烤去烹調牛肉，唔洗任何調味料都好好食，牛肉味夠晒濃🤤
牛扒外層烤到有少少脆，加上肉眼部位一向偏淋，牛質夠嫩，真係好好食😋
醬汁方面有偏甜嘅黑蒜醬、牛骨髓蛋黃醬同黑松露橄欖油
𝗕𝗹𝗮𝗰𝗸 𝗧𝗿𝘂𝗳𝗳𝗹𝗲 𝗠𝗮𝗰𝗮𝗿𝗼𝗻𝗶 $268 9/10
呢個黑松露mac & cheese有驚喜
我好怕mac & cheese嘅通粉煮得過淋，加埋啲芝士一pat嘢
不過佢呢個個macaroni煮得岩岩好，唔會過多芝士，又好香松露味
上層鋪滿松露之外，芝士亦焗得好香脆好好食
雖然佢係under sides嘅selection，不過佢嘅份量唔算少，同埋始終mac & cheese都偏漏同飽肚嘅
其他sides方面，我哋仲叫咗:
𝗖𝗵𝗮𝗿𝗿𝗲𝗱 𝗰𝗼𝗿𝗻 $58
𝗠𝗮𝗶𝘁𝗮𝗸𝗲 𝗺𝘂𝘀𝗵𝗿𝗼𝗼𝗺 $68
佢哋嘅配菜份量整體上都唔算細
不過粟米同埋個姑就偏乾，香料較重，有別於一般配菜
𝗦𝘄𝗲𝗲𝘁𝗰𝗼𝗿𝗻 𝗶𝗰𝗲 𝗰𝗿𝗲𝗮𝗺 𝘀𝘂𝗻𝗱𝗮𝗲 $138
甜品我哋就叫咗粟米雪糕新地
本身我就好鍾意食日本嘅粟米雪糕，所以見到佢出現喺menu就即刻點咗
可惜唔係好食得出粟米味，整體冇咩驚喜，有啲失望🥲
張貼
