HOKO Farm (已結業)

餐廳環境闊落，有室內及室外坐位，空間感充足。餐牌有二人套餐同一人套餐，仲有最新推出既TASTE THE SUMMER，有齊餐湯、麵包、沙律、主菜、甜品同飲品。南瓜忌廉湯：每一口都有濃濃既南瓜香味。麥麵包鬆軟可口，配士多啤梨醬，十分開胃。煙鴨胸藜麥田園沙律伴日式油醋汁：沙律菜夠新鮮，加左醋汁，好食又健康。原條香草鹽燒鮮魚伴薯菜：原條魚上好吸引，魚皮邊位煎得香脆，魚肉嫩滑，充滿魚油香；薯條新鮮熱辣，金黃酥脆，配菜有車厘茄、翠玉瓜、原個蒜頭好特別，而且非常惹味。燒美國安格斯T骨牛扒配燒汁伴黑松露薯蓉：安格斯牛扒燒得好香，牛味相當濃郁，油花紋路均勻，肉質非常細緻柔嫩，薯蓉沾上黑松露醬，香氣撲鼻。朱古力慕絲：慕絲很滑，朱古力味突出。總結，餐廳位置方便，食物水準高，下次嚟鑽石山站食野有多一個選擇。