Dreamer Cafe (已結業)

很久沒有過西環行下，今日同兩位港大畢業朋友返咗去HKU，於main lib 留咗一陣，上網搵到呢間咁有特色嘅咖啡室。於上面行落去石塘咀市政大樓附近， 店舖招牌唔明顯，店內多數是大學生連電腦功課一起，入內見一張大枱，方便同學傾功課。店舖外面的餐牌都好有特色。雖然食物種類不算多，但全部都是有益新鮮食材，即叫即製，大家要有耐性。All Day breakfast樣樣有，腸仔火腿煙三文魚炒滑蛋，仲有健康蔬菜及麵包，最特別的是伯爵茶肉桂蘋果粒，放麵包上吃，極品！芝麻醬凍豆腐粒配新鮮蔬菜，口感清新，人人喜歡。三文魚滑蛋多士，滑蛋冇得輸，一定落咗好多奶。鮮奶綠茶味道可再濃一點。MonaLisa，跟茶壺上，份量大概有兩大杯。朱古力Latte真係好香。