影片
更多
2021-08-03
6842 瀏覽
係好幾間酒店當中，揀左呢間北角既新酒店Hyatt Centric黎個暑假Staycation，貪Hyatt Centric夠新又夠平。$1,216包一晚海景客房（唔係最低級既房），The Farmhouse 自助早餐同自助午餐，算抵玩。不過唔知點解book完過幾日就減價。係The Farmhouse 食個自助午餐先check-in！限左兩輪時間，分別係12-1:30同2-3:30，本身我係book12-1:30，點知平日去都full左，唯有食2-3:30，點知前一晚又通知可以食12-1:30，不過其實得個半鐘頭食真係好趕。11:59到，已經見到有條超長人龍喺度排隊等入，最後12:15先可以入座。一齊睇下有咩食啦！呢度野食分開兩大區域，一區喺正門口，有刺身，壽司，沙律，凍海鮮，甜品同生果。另一區係喺另一個角落嘅熱食區，有中西食物，印度野，粉麵檔，點心，即撈意粉等。凍海鮮得青口同蝦，非常少選擇。沙律菜有三款。我無試。雜錦壽司有三文魚壽司同鰻魚壽司，仲有卷物。另外有冷麵。我都無試。刺身有希靈魚，立魚，吞拿魚，三文魚。希靈魚細細件，都脆既。立魚可以啦。吞拿魚好厚切，成個正方體咁。三文魚正常。刺
係The Farmhouse 食個自助午餐先check-in！限左兩輪時間，分別係12-1:30同2-3:30，本身我係book12-1:30，點知平日去都full左，唯有食2-3:30，點知前一晚又通知可以食12-1:30，不過其實得個半鐘頭食真係好趕。11:59到，已經見到有條超長人龍喺度排隊等入，最後12:15先可以入座。一齊睇下有咩食啦！
呢度野食分開兩大區域，一區喺正門口，有刺身，壽司，沙律，凍海鮮，甜品同生果。另一區係喺另一個角落嘅熱食區，有中西食物，印度野，粉麵檔，點心，即撈意粉等。
凍海鮮得青口同蝦，非常少選擇。沙律菜有三款。我無試。
雜錦壽司有三文魚壽司同鰻魚壽司，仲有卷物。另外有冷麵。我都無試。
希靈魚，立魚，吞拿魚，三文魚
111 瀏覽
0 讚好
0 留言
刺身有希靈魚，立魚，吞拿魚，三文魚。希靈魚細細件，都脆既。立魚可以啦。吞拿魚好厚切，成個正方體咁。三文魚正常。刺身食完一轉我就冇再添lu。
即製沙律有兩款，就係凱撒沙律，同藍芝士香梨火箭菜沙律。時間關係，我無機會試。
即製沙律隔離係麵包同餅乾。
凍肉有Salami，Mortadella，Salmon。
芝士有三款，係Parmasen，Cheddar，同Brie。我食左Brie，正常。芝士隔離有新鮮提子同果乾。上面有四款撈好嘅沙律。呢度啲野食用玻璃櫃裝住其實就衛生啲既，不過麻煩嘅地方係一邊有人攞緊野食，另一邊個櫃嘅櫃門就一定要拉埋所以其他人就攞唔到野食。
水果有三款，分別係西瓜，蜜瓜，同菠蘿。西瓜切到超大舊。三款水果味道都正常。
鮮果法式牛油酥餅，檸檬蛋白批，海鹽朱古力撻，朱古力脆脆蛋糕，夏洛特蛋糕，芝士蛋糕
62 瀏覽
0 讚好
0 留言
甜品櫃入面既甜品正常，有好有唔好：
鮮果法式牛油酥餅：正常
檸檬蛋白批：好輕盈，酸酸哋，好味道
海鹽朱古力撻：唔錯
朱古力脆脆蛋糕：一啲都唔脆，朱古力味又唔濃
夏洛特蛋糕：空氣感好重，入面啲忌廉好滑，外面嘅蛋糕好軟綿綿
芝士蛋糕：大大件又唔夠濃厚，棄之可惜
栗子合桃蛋糕
法式焗梨撻
香檳燴梨啫喱
巴黎法式滋味
59 瀏覽
0 讚好
0 留言
至於呢個地中海主題自助餐之法式甜點就絕對係全餐最正既一部分！
巴黎法式滋味
73 瀏覽
0 讚好
0 留言
巴黎法式滋味有éclair，士多啤梨檸檬貝殼蛋糕。
éclair，聖安度蛋糕，焗雲呢拿撻，迷你馬卡龍，士多啤梨檸檬貝殼蛋糕
71 瀏覽
0 讚好
0 留言
無印象自助餐有éclair食！呢度éclair有四種味道，四種味道都幾好食，入面都有同味道嘅忌廉，食落腍腍哋又唔過甜，正。
巴黎法式滋味
78 瀏覽
0 讚好
0 留言
聖安度蛋糕都好少自助餐有得食，味道合格。
迷你馬卡龍賣相好靚，杏仁餅上面有少少金箔，入面有忌廉同士多啤梨。不過杏仁餅本身已經唔太脆。
紅莓法式小蛋糕
即製雜莓忌廉芝士千層酥
64 瀏覽
0 讚好
0 留言
即製雜莓忌廉芝士千層酥：好有驚喜，第一次喺自助餐見到有得食即製雜莓忌廉芝士千層酥。三層千層酥夾住兩層忌廉芝士，上面仲有新鮮無花果，黑莓，藍莓同士多啤梨，賣相好靚。味道方面，千層酥雖然好厚，不過勁酥脆，超好食，啲忌廉芝士都好滑溜又唔膩，真係正。我encore左一件。
即製朱古力焦糖燉蛋：擺耐左冇食，塊焦糖面已經融左，朱古力燉蛋都滑，不過勁甜，好膩。
焗雲呢拿撻：正常
焗車厘子布甸
自家製雪糕
82 瀏覽
0 讚好
0 留言
雪糕雖然唔係名牌子，不過係自家製，而且放左係一個旋轉雪糕櫃，一共有10款口味，包括大路味如咖啡，雲尼拿，士多啤梨，開心果，熱情果，椰子，仲有少見既焦糖，意大利芝士蛋糕，清薑同香茅芒果。
士多啤梨，香茅芒果，開心果雪糕
57 瀏覽
1 讚好
0 留言
雪糕質素非常出色。開心果好正，好足料，有開心果肉又滑！滑溜既焦糖味配一粒粒榛子好好食。香茅芒果都好滑，香矛味好香。士多啤梨同椰子原來係雪吧。意大利芝士蛋糕都好味。最遺憾係太多人又無時間排隊所以唔夠喉
窩夫，雪糕toppings
62 瀏覽
0 讚好
0 留言
雪糕隔離有窩夫脆餅同toppings，好驚喜係有榛子同爆谷，加落雪糕度好正。
入口附近有汽水區。少見有自助汽水飲，有忌廉，可樂，Coke Zero，同雪碧。
即製鐵板韓式燒牛肉，印度烤雞
62 瀏覽
0 讚好
0 留言
終於到熱食區啦！其實要行好遠.....因爲我地坐近門口。
呢度較有特色既就係師傅即製鐵板韓式燒牛肉，可惜超韌，失望。
烤安格斯黑牛西冷，印度烤雞
48 瀏覽
0 讚好
0 留言
烤安格斯黑牛西冷：我食左一件我覺得唔夠嫩，不過同行友人好鍾意仲係咁encore。
印度烤雞：又乾又鞋
印度野其實選擇都唔多，得烤餅，飯同羊肉咖哩。羊肉好韌。
西式食物就多好多選擇
蘑菇湯
紐倫堡香腸
法式紅酒燴牛肉：牛肉好腍
黑松露薯蓉
煙肉洋蔥法邊豆：正常
即製撈Penne
阿根廷青醬燒春雞：我揀左隻全雞脾食，都幾嫩滑
意大利茄醬肉丸
番茄香草欖油烤三文魚：三文魚好嫩滑，唔錯
烤醃雜菜：可以
蜜糖甘筍
烤新薯
話就話熱食區，原來呢度都有沙律食。
中東包蔬菜沙律
土耳其乾小麥香芹沙律
醃梛菜：少少酸幾好食
古斯米沙律
鷹嘴豆泥：唔錯
烤茄子泥
燒味
36 瀏覽
0 讚好
0 留言
中式食物有
薄荷柚子鳳梨骨：味道可以
芫荽南乳炸雞：我揀左件皮脆肉嫩嘅雞脾食
金銀蛋白菜仔：唔錯，可以食多啲蔬菜
蝦乾貓耳百合浸勝瓜：正常
燒汁肥牛炒烏冬
燒鴨
豉油雞
叉燒：試左一舊半肥瘦，不過瘦肉嗰部份好韌
中式湯
點心有香菇雞包，牛肉燒賣，蓮蓉包，豬肉燒賣。不過賣相一啲都唔吸引，冇試到。
粉麵檔
40 瀏覽
0 讚好
0 留言
粉麵檔有兩款麵，兩款湯底分別係清湯同喇沙。我揀左喇沙湯底，好味。配料選擇都可以。
喇沙湯鮮蝦，牛丸，豬肉丸，墨魚丸，白菜，菇菌
47 瀏覽
0 讚好
0 留言
鮮蝦又大又爽脆鮮甜
牛丸彈牙而多汁
豬肉丸都彈牙
墨魚丸都彈牙
白菜
菇菌
冬瓜
雞蛋
總括而言，其實食物種類算勉强可以，唔算太多，不過都夠食，好食既野食唔算多，貴價野欠奉，不過都唔會夠時間encore。甜品就非常驚喜，特別係即製雜莓忌廉芝士千層酥同自家製雪糕。雖然係咁，個人覺得成餐飯食得好辛苦，排完隊坐低已經用左15分鐘，得個幾鐘頭食，人又多，要排隊，已經係平日黎（雖然係暑假）。雖然服務員狂催我地要交枱，但係服務員態度可以，除左少部分厨師（特別係燒韓式牛肉個位叔叔）。個人覺得Cafe Kool既安排絕對好好多，野食又多d選擇，真心下次唔好預我。勉强比個OK啦。
張貼
