影片
更多
2021-01-24
1112 瀏覽
御 Omakase $468 (刺身4點·壽司6貫·沙律·茶碗蒸·烏冬·甜品-紅豆雪糕）朋友生日去嘆吓omakase，但因為勁塞車揸到去銅鑼灣泊埋車，到餐廳時已經遲咗半粒鐘，真係唔好意思😅因為omakase係要俾時間壽司師傅悉心去整，好彩打俾餐廳話要遲同到店時，waiter都好有禮貌同好nice，一啲都唔會黑面，態度十分好，已經俾我第一印象非常好👍🏻講返嘢食先，前菜會有黑松露茶碗蒸同沙律🥗 淡淡嘅黑松露味令到成個茶碗蒸即刻提升咗層次，最驚喜係茶碗蒸入面有白果，我鍾意👍🏻沙律用柚子醋，開胃唔錯😊主菜首先會上4道刺身！第一道有左口魚刺身，配上小小辣蘿蔔同細細條蔥仔，點埋刺身豉油，味道清新唔錯😊第二道係赤貝刺身，爽口彈牙，可以配上竹炭鹽同wasabi食，但我覺得唔點仲正，因為赤貝本身已經好新鮮好正🤤第三道刺身係蝦刺身配上燒蝦膏，一啖放入口，蝦刺身嘅味道加埋燒得好香嘅蝦膏，混埋一齊，好幸福喔，我諗呢個蝦刺身，我啪半打都得😂第四道刺身係伊佐木魚刺身，呢個係燒過，幾香口又保持到魚嘅鮮味🤤壽司方面，第一道係帆立貝，只可以講成口都係帆立貝嘅鮮味，正🤤第二道係爐魚壽司配上梅醬，感覺唔錯😊第三道係白蝦配柚
朋友生日去嘆吓omakase，但因為勁塞車揸到去銅鑼灣泊埋車，到餐廳時已經遲咗半粒鐘，真係唔好意思😅因為omakase係要俾時間壽司師傅悉心去整，好彩打俾餐廳話要遲同到店時，waiter都好有禮貌同好nice，一啲都唔會黑面，態度十分好，已經俾我第一印象非常好👍🏻
講返嘢食先，前菜會有黑松露茶碗蒸同沙律🥗 淡淡嘅黑松露味令到成個茶碗蒸即刻提升咗層次，最驚喜係茶碗蒸入面有白果，我鍾意👍🏻沙律用柚子醋，開胃唔錯😊
主菜首先會上4道刺身！第一道有左口魚刺身，配上小小辣蘿蔔同細細條蔥仔，點埋刺身豉油，味道清新唔錯😊第二道係赤貝刺身，爽口彈牙，可以配上竹炭鹽同wasabi食，但我覺得唔點仲正，因為赤貝本身已經好新鮮好正🤤第三道刺身係蝦刺身配上燒蝦膏，一啖放入口，蝦刺身嘅味道加埋燒得好香嘅蝦膏，混埋一齊，好幸福喔，我諗呢個蝦刺身，我啪半打都得😂第四道刺身係伊佐木魚刺身，呢個係燒過，幾香口又保持到魚嘅鮮味🤤
壽司方面，第一道係帆立貝，只可以講成口都係帆立貝嘅鮮味，正🤤第二道係爐魚壽司配上梅醬，感覺唔錯😊第三道係白蝦配柚子醋，好鮮甜好fresh，白蝦本身價錢比較貴，呢個價錢都食到，真係抵👍🏻第四道係銀雪魚壽司配柚子面豉，呢個超好味，銀雪魚嘅油十分香濃再用柚子面豉balance番，正🤤第五道係拖羅，油脂超多，成口都係，齒頰留香，可以嘅話，真係想啪半打😂最後一道壽司就係重頭戲海膽，其身我本身對海膽一般，因為喺香港食到嘅海膽嘅味道大多數都怪怪哋，但呢個就真係堅正、堅正、堅正，新鮮唔會有怪味，令我重拾返對海膽嘅好感同信心😂🤤
之後就到烏冬同雪糕，烏冬本身就不過不失，但個湯底幾正，湯底正過烏冬😂雪糕係紅豆雪糕，呢個就真係有一粒粒完整嘅紅豆，唔太甜，正，呢個雪糕令成餐飯畫上完美嘅句號🤤🤤坐隔離果兩枱同埋我朋友都係生日，紅豆雪糕呢個甜品，可以幫你寫Happy Birthday，但我冇request到🤪所以我哋就喺平淡中食返個雪糕🤣
總括嚟講，鮨三川俾我嘅感覺，無論食物質素，服務同環境都十分好，而且CP值高，一定會再返check🤤👍🏻
張貼
