TOKYOLIMA

營業中

休息中

日本菜加秘魯菜呢個combination好新穎，起初覺得得意同埋見到評論話好地方慶生，所以決定一試。去到整體燈光比較暗，近大門口的位置比較嘈吵，我們被安排到最入的廚師吧枱，是次訂咗試用了restaurant week的promotion. 前菜有炸雞，tempura and salad. 天婦羅的配搭幾特別，而炸雞就份量好多，建議不要點太多醬，如果唔係好易滯。之後有卷物，裏面好像是魷魚，但比較普通，不值得一試。之後有兩碟冰盤，白身魚比較普通，只係靠醬汁調味，就咁食沒有味道，反而令一碟幾好食。主食選擇了雞和魚，有兩隻雞髀，雞肉非常嫩滑，值得一試，反而魚整得比較鞋身，如果淋返一點會比較好。因為生日會送上甜品，朱古力Brownie配椰子雪糕，食落感覺冇咁滯，可以一試。反而另外有個類似橙味嘅蛋糕太甜，麻麻地。整體會再推薦這間餐廳，因為菜式特別，而且份量好大，食完好飽，但因為是次是有promotion, 如果平日幫襯未必會覺得好抵食。