龍門一番 上海·紫砂燉湯 (已結業)

放假去宜家行下，見到呢間上海菜都幾抵食，就去試下💕一坐低拎左盒茶葉俾我地，每人都可選一款茶葉各自沖泡，茶葉泡開大大片，茶味香濃，唔錯！🍽 𝗧𝗮𝘀𝘁𝗲 : ▐ 蟲草花醉雞 $82▐ 蔥油伴鍋筍絲$48▐ 自製千層水晶肉$65▐醉雞正常味道，蟲草花落得好多。蔥油香好配合爽脆嘅鍋筍絲，份量亦好多。水晶肉跟餚肉差不多，伴鎮江醋食開胃。▐ 波士頓龍蝦（芝士兩面黃）$198▐芝士龍蝦正常發揮，配兩面黃食更香口好味，兩個人輕鬆ko 一大碟。▐ 酸菜爆雞腎$82▐鑊仔炒雞腎上菜時好夠鑊氣😋，配埋咸酸菜炒不單唔會過咸，酸更能帶出雞腎咸香。▐ 豆沙酥餅$45▐豆沙酥餅比平時食嘅豆沙鍋餅皮更薄更酥脆，唔會太甜，食到最後明明已經好飽但都食晒💕🌐 𝗔𝘁𝗺𝗼𝘀𝗽𝗵𝗲𝗿𝗲 : 枱夠大，社交距離好充足🚗 𝗣𝗮𝗿𝗸𝗶𝗻𝗴 : 中染大廈停車場，不過係雙層泊車系統，可能會有少少難泊💰 𝗩𝗮𝗹𝘂𝗲 : 食物選擇都好多，由前菜、主菜、湯品到甜品都有好多款揀。