影片
更多
2022-11-21
1728 瀏覽
今日同女朋友係K11 Art House睇7點半場所以揀左呢間餐廳食飯，係正隔離非常方便👍🏻可能今日係星期一加上屬於比較早嘅關係，我6:15去到即刻入到，餐廳位置亦只坐左一半客人，我覺得十分舒適，因為我好怕係好嘈好多人嘅環境下食飯😝 越式生蝦 $118本人係超中意食生蝦，平時食泰國野可以自己啪一碟，呢個生蝦冇平時泰國餐廳食嘅咁厚肉，係薄身小小嘅虎蝦，但汁嘅味道係好好👍🏻味道係酸甜帶辣，$118嘅價錢有21隻我覺得性價比都唔錯，絕對係「必點菜式」⭐️灸燒牛柳湯粉$118湯底都係牛湯底，河粉質地都煮得唔錯，灸燒牛柳睇上去都仲有血水，似5成熟，中意食熟啲嘅朋友要留意返😉但本人平時喜歡食半熟所以我覺得好食👍🏻入口感好好，好腍，牛柳表面有調味過，味道幾好幾好燒豬扒撈檬$108 試完我嘅炙燒牛柳，我都有試埋女朋友嘅豬扒撈檬，檬粉就冇乜特別好講啦😂但燒豬扒可以講下，調味啱啱好而且入口比較腍(唔係醃到腍個種，係有口感)，燒得唔錯👍🏻今次order嘅三款菜式我都覺得好好下次再試下其他野先，不過生蝦一定會再點！🤤
可能今日係星期一加上屬於比較早嘅關係，我6:15去到即刻入到，餐廳位置亦只坐左一半客人，我覺得十分舒適，因為我好怕係好嘈好多人嘅環境下食飯😝
越式生蝦 $118
本人係超中意食生蝦，平時食泰國野可以自己啪一碟，呢個生蝦冇平時泰國餐廳食嘅咁厚肉，係薄身小小嘅虎蝦，但汁嘅味道係好好👍🏻味道係酸甜帶辣，$118嘅價錢有21隻我覺得性價比都唔錯，絕對係「必點菜式」⭐️
灸燒牛柳湯粉$118
湯底都係牛湯底，河粉質地都煮得唔錯，灸燒牛柳睇上去都仲有血水，似5成熟，中意食熟啲嘅朋友要留意返😉但本人平時喜歡食半熟所以我覺得好食👍🏻入口感好好，好腍，牛柳表面有調味過，味道幾好幾好
燒豬扒撈檬$108
試完我嘅炙燒牛柳，我都有試埋女朋友嘅豬扒撈檬，檬粉就冇乜特別好講啦😂但燒豬扒可以講下，調味啱啱好而且入口比較腍(唔係醃到腍個種，係有口感)，燒得唔錯👍🏻
今次order嘅三款菜式我都覺得好好
下次再試下其他野先，不過生蝦一定會再點！🤤
張貼
