新金源餐廳 (已結業)

新金源，位於觀塘工廈區的中央位置，已經食左好多年。食物水準一貫好穩定。每日午餐有成五至六款，大約五十蚊左右，都算公度。而今日我就食左特餐B，係松葉蟹柳紫菜湯烏冬餐。雖然明知佢一定係仿蟹柳，但偏偏佢又做到有一種清甜味，入口好好味。紫菜係好香口的一種，而且份量足，幾乎佈滿全碗。烏冬係巑崎style, 有咬口唔會淋唔易斷。加上日式清湯底，好正。套餐仲配炒蛋多士，係北海道牛乳炒蛋，食得出真係加左北海道牛乳，特別香特別滑。而多士係牛油酥皮面，係香D既，不過個人比較怕肥。呢個餐包熱飲都係 $42 ，好味，用料完全唔 hea 。抵讚！多位坐，一般唔使點等，都算舒服，唯獨最入面近水吧係收唔到signal 的，十分困擾。服務一般，衞生一般。