勝利小廚 (已結業)

其實間嘢咁細都知道唔慌會坐得舒服，仲要排大隊，更係想你食完嗱嗱聲好走啦。老實講，$$ 佢唔係十分便宜，又聽聞呢間嘢D服務態度唔掂，行過都見到D店員黑口黑面。原本冇諗過入去，正所謂君子不立危牆，冇理由明知會受氣都去幫襯㗎嘛，right ?最衰係我呀妹好中意食佢哋個海南雞飯，搞到我經常要去買外賣點知買外賣都唔好得去邊，會用D極端唔友善嘅目光打量我...... 喂，我已經怕鬼咗你唔堂食，仲想我點呀。平心而論，佢個雞飯同豬髀飯又真係幾好食嘅。鹵水豬髀十分入味，感覺唔肥膩，加上鹹菜，需然飯比較硬身，但係我likey，真係一絕 至於海南雞飯，因為係我呀妹嘅，so 我冇食，不過佢話如果冇咗個汁，呢個飯就冇晒靈魂喎。 haahaaaa所以各位brothers and sisters, 唔想受氣但又想食雞飯，最好買外賣去第二度食。