影片
更多
6天前
0 瀏覽
朋友話觀塘有間吉列豬幾好食，帶我去食，去到門口先醒起我之前已經食過一次😹因為間餐廳位於工廈，的確係要特登去先會搵到🥲唔係經過就入去嗰隻餐廳環境簡約得嚟又有心思，每張枱都擺咗唔同嘅醬汁，仲有啲位更加設有無線充電，真係好貼心，啱晒我呢啲成日手機冇電嘅人😛-主打係食吉列千層豚肉，套餐有唔同嘅配搭，可以跟飯跟烏冬跟沙律，自由度好高，而豚肉都可以用漢堡包方式配搭🫶🏽🌟千層吉列豚（芝士流心） $138套餐包咗餐湯、吉列豚肉、主食、飲品餐湯係蕃茄湯，覺得超好飲，佢個味道好濃烈，好似平時茶記茄汁燴豬扒嗰個醬汁咁😍個湯係稠身，而且都幾大碗個吉列豚肉超級吸引，一大片半蓉芝士喺塊豚肉上面🤤咬落去外皮真係脆到不得了，入面嘅豚肉一層一層好分明，原來入面仲有芝士流心，一啖咬落去芝士即刻湧出嚟，勁邪惡🫢呢個套餐揀咗咖哩飯，咖哩同白飯係分開上，咖喱唔係日式咖喱，而係港式咖喱，好食😘唔似出面啲茶記係螢光咖喱，香濃帶少少辣，但係碗飯有啲細碗，於是我哋喺QR code落單諗住叫碗白飯，點知冇😭唯有好厚面皮咁問佢可唔可以嗌多一碗飯，點知店員超級好人免費俾我哋加飯😱😱😳😳即刻食到飽晒😘至於杯凍檸檬茶，味道正正常常。🌟千層吉列豚
朋友話觀塘有間吉列豬幾好食，帶我去食，去到門口先醒起我之前已經食過一次😹因為間餐廳位於工廈，的確係要特登去先會搵到🥲唔係經過就入去嗰隻
餐廳環境簡約得嚟又有心思，每張枱都擺咗唔同嘅醬汁，仲有啲位更加設有無線充電，真係好貼心，啱晒我呢啲成日手機冇電嘅人😛
-
主打係食吉列千層豚肉，套餐有唔同嘅配搭，可以跟飯跟烏冬跟沙律，自由度好高，而豚肉都可以用漢堡包方式配搭🫶🏽
🌟千層吉列豚（芝士流心） $138
套餐包咗餐湯、吉列豚肉、主食、飲品
餐湯係蕃茄湯，覺得超好飲，佢個味道好濃烈，好似平時茶記茄汁燴豬扒嗰個醬汁咁😍個湯係稠身，而且都幾大碗
個吉列豚肉超級吸引，一大片半蓉芝士喺塊豚肉上面🤤咬落去外皮真係脆到不得了，入面嘅豚肉一層一層好分明，原來入面仲有芝士流心，一啖咬落去芝士即刻湧出嚟，勁邪惡🫢
呢個套餐揀咗咖哩飯，咖哩同白飯係分開上，咖喱唔係日式咖喱，而係港式咖喱，好食😘唔似出面啲茶記係螢光咖喱，香濃帶少少辣，但係碗飯有啲細碗，於是我哋喺QR code落單諗住叫碗白飯，點知冇😭唯有好厚面皮咁問佢可唔可以嗌多一碗飯，點知店員超級好人免費俾我哋加飯😱😱😳😳即刻食到飽晒😘至於杯凍檸檬茶，味道正正常常。
🌟千層吉列豚漢堡包跟薯條＋蜜糖芥末醬 $118套餐同樣包咗餐湯、吉列豚肉、主食、飲品
-
今次呢個千層吉列豚係冇芝士嘅，揀咗用漢堡包嘅方式呈現，漢堡包黑色㗎😹吉列豚同樣脆口，食得出用咗鹽同黑胡椒輕輕調味，至於醬汁揀咗蜜糖芥末醬，甜甜地幾好食😛不過食到一大半有啲油膩同埋已經好飽，所以最後薯條食唔晒，沙律就食得晒😆凍檸水味道都係正常
整體嚟講覺得係用心經營嘅有誠意小店，味道唔差，希望多啲人可以幫襯吓啦🥲
張貼
