Lemongrass (已結業)

最近朋友話我知大角咀個頭開咗間好味嘅泰國菜餐廳，身為食貨嘅我哋梗係唔執輸要去試一試喇。餐廳位於奧海城二期，奧運地鐵站一出就係，行完街再去食野，位置真係非常方便又易搵。門口裝潢已經好有置身泰國既感覺，小佛像加上叢林設計，燈光就採用烏絲燈膽設計，配搭起嚟成個環境又幾特別。我哋一行四人坐咗入去最入面嘅四人位，諗住坐最入會冇人理，點知我哋舉手叫人佢哋都會即刻過嚟。我哋點咗炭燒豬頸肉、L.G.特定拼盤、泰式蟹肉炒飯、馬拉盞炒椰菜苗、金邊粉、椰青同埋泰國珍多冰。😍炭燒豬頸肉菜如店名，香嫰嘅豬頸肉配上濃濃嘅香茅醬汁，惹味十足！幾個吃貨瞬間清碟。😋L.G.特定拼盤適合心大心細嘅我哋，大家唔洗諗唔洗爭，可以一次過試哂串燒、生菜包、酸辣鳳爪等多種小食。🤤泰式蟹肉炒飯係令我驚喜一道嘅菜色，就咁望落去有啲似茶餐廳嘅炒飯咁，但我食左一啖就知係唔同㗎。佢將中式嘅炒飯加入小小泰式風味，再落埋d蟹肉，簡直回味無窮。馬拉盞炒椰菜苗超級鮮嫰，加上有鮮味滿分嘅馬拉盞，連埋蟹肉炒飯一齊食超正。超有賣相嘅金邊粉一上到枱，鐘意呃like嘅朋友就話一定要手機食先。香口嘅蛋皮包住有𡁻頭嘅金邊粉，仲有鮮鹹嘅魚露味同埋微酸嘅青檸汁，內外