Layback Cafe & Bar

營業中

休息中

同朋友嚟到銅鑼灣晚飯，餐廳名正好叫layback係可以休息嘅時候。一路食飯一路傾偈好開心。 小食日本和牛粒配喜馬拉雅山岩鹽和牛粒入口即溶，簡單鑊烤嘅煮法係最好，配合岩鹽同黑椒，好味。西班牙伊比利亞雜錦風乾火腿傳統芝士火腿組合，風乾火腿唔會太咸，咸中亦有橡果味係正宗嘅風乾火腿。同朋友慢慢一路嗒一路傾，最適合不過。主食生拆蟹粉拌北京拉麵真係超級驚豔嘅蟹粉量，多到令人喜愛。蟹粉味真係鮮味十足，配合埋蟹醋真係有啲以為自己真係食緊蟹，上檯時，店員會幫你最後再噴少少花雕酒，好味又儀式感滿分。龍蝦扁意粉高水準嘅龍蝦醬汁，龍蝦味濃之餘，龍蝦肉唔會煮得過老，嚿嚿都爽口彈牙，認真抵食。飲品是日，精選開心果椰子水Tropical Sunshine甜品芝麻basque cheesecake加上芝麻嘅呢款芝士蛋糕第一次食，如果你係一個芝士愛好者一定要試，因為真係大量芝麻味會充斥每一啖。口感亦都好幻滑，証明芝麻cream 磨得夠細滑先做到。