Little Tipsy Restaurant & Bar (已結業)

最近心情都唔太好，所以搵返間餐廳可以飲吓酒先！公司附近其實有好多餐廳，望望下就發現呢間餐廳。時間尚早，暫時都唔係好多，勝在靜靜地可以同朋友傾吓計。餐廳MENU唔算好多野食，一張紙睇哂食啲咩，大約有９款主菜。另外仲有前菜小食甜品可以選擇。我同朋友叫咗兩個主菜，一個係法國海鱸魚配茴香伴紅花醬同埋慢煮西班牙黑毛豬配大蒜伴洋惹米先黎咗個魚，我覺得個魚就一般般，分量唔大份。配菜為少量菜及薯仔。整體不過不失。之後要黎咗個黑毛豬，黑毛豬反而有驚喜。賣相好靚，而且切好哂一件件，好方便食，黑毛豬質地軟淋應該係因為慢煮的關係。因為係肉的關係，這個份量比較合適，另外配菜的洋薏米好好味，加埋個豬一齊食可以減去豬的油膩感。話咗要黎飲野，就當然唔少得杯酒啦。叫返杯啤酒啤啤佢先。呢到都有唔少啤哂的選擇，今次叫咗杯花香味較重的。好啱女仔飲。大家不妨試試。