蘭桂坊車仔麵 (已結業)

車仔麵好危險㗎！尤其是呢啲勁多種顏色既湯底 我個朋友就傻仔左啦 食到件衫污糟曬 放心大家 我的朋友不是我 其實中環食晏車仔麵既選擇好多 不過朋友話呢間既麻辣湯底好正 所以就食到成身都係啦 咁我都同意既 同埋個菠菜麵底幾好食 推薦 啊不過我晏就真係好想食飯 所以去到都係嗌左豬腳飯 豬腳都唔錯食既 都係嗰句啦 正路 啊 係加左個麻辣豬耳 偏硬 但係麻辣既味道都係唔錯既 都係一個唔錯既送飯選擇 聽講呢間嘢開到半夜 都幾搞笑既 真係好危險囉 你諗下 我個朋友 清醒狀態下食車仔麵都咁 你地high high地點食麵啊？ （定係我個朋友晏就已經high左？）不過我諗喺鬧市之中都係要放一間光猛既麵舖 好似應該光猛既食店夜裏有特別既作用 講緊消耗完能量要食啲嘢補充一下 應該有趣既 大家夜晚過黎try try