蟹仙海鮮蒸氣鍋 (龍崗道)

營業中

休息中

呢間蒸氣火鍋我一直想試好耐㗎喇，今日見收工得閒，同埋老婆一齊過去。一嚟我哋就先聽過侍應好詳細嘅講解，對每個餐嘅每個餸都好細心咁樣介紹。我哋聽完介紹之後，就決定揀咗一個中價餐。一嚟蒸左個蝦先，呢個蝦食第一啖就不得了，喺出邊食唔到嘅味道，佢仲有少少蝦子喺度，令到成隻蝦錦上添花。之後就到鮑魚同埋生蠔，個生蠔最令人有驚喜，食落去仲係好多汁。之後就上各種唔同嘅貝類貝類都零舍多汁都係出邊食唔到嘅名。個侍應哥哥特別提我哋，啲貝千祈唔好點豉油，唔係會掩蓋左啲貝嘅鮮味。事實上確實完全夠晒味。其他海鮮我地都非常之小心，唔會點太多豉油。最特別就係之後嚟嗰兩個蟹，一個係饅頭蟹，成個波咁，好多肉。另一隻係膏仔蟹，好多膏，超好食。之後食個粥，個粥真係不得了，吸收晒上面蒸海鮮嘅時候滴落去嘅海鮮汁，加埋啲配料，整到個粥非常好食，好夠味，食完啱啱好。最後最後仲送多兩碗燕窩糖水俾我哋，真係驚喜到不得了，亦都係非常好食，為呢餐作出一個完美嘅總結。